هيت (ن) ولد هيت
 

(انحاس بالي)

انحاس بالي يامحمد وصديت
من كثر الصدات قلت شطونه
ماني وانا بندر بهيت ولد هيت
هيت يجامل خمة يكرهونه
من كثر ماجربت واقبلت واقفيت
قولة هلا لمن لايودك مهونه
سلط على النصراني اللي لقا الزيت
لعل نبع الزيت يعمي عيونه
لاشك تحتاج المراجل شفاليت
تحتاج شي يقصر النذل دونه
عزم على الفرجه وقطع الخلا الميت
حتى عيال البوم مايقطعونه
ثلاث*من كل المعاني تنقيت
واللي بقى كل الملا يقدرونه
مابغى جزاهن غير من خالق البيت
عمالهن للناس ماينفعونه


لشاعر / بندر بن سرور

مشكور يافلاح على النقل

شكرآ على مرورك يا فزاع

يعطيك العافيه فلاح الفلاح

لاتحرمنا جديدك
__________________

الله يعافيك ابشر بما يسرك

الله يعطيك ألف عافيه على النقل