سفرر الدغيلبي=تركي الميزاني
 

بسم الله الرحمن الرحيم


هذه محاوره بين الشاعرين : سفر الدغيبلي وتركي 2000 ، واتمنى ان

تحوز اعجابكم :








سفر الدغيلبي :


قوم ياتركي على طرق(ن) تعرفه = وكان مالك يالمطيري فيه صرفه

اعتذر واعذر رفيقي لجل ضرفه = عاشوا ال سعود والبيرق سعودي

***********
يالمطيري على راسك خيال = وش تريد المطر ولاّ الخيال

ـ ـ ـ ـ ـ ـ ـ ـ ـ ـ ـ ـ ــ ـ ـ ـ ـ :ـ ـ ـ ـ ـ ـ ـ ـ ـ ـ ـ ـ ـ ــ ـ ـ ـ ــ ـ ــ





تركي 2000 :


الموال والبيت الاول مفقود .


التفت للجنوب وللشمال = واعرف البرق من صوت الرعد





سفر الدغيلبي :


اتفقت انته واخوك اللي طريقه = فالخفا الخافي وجحدان الحقيقه

ياعساكم يا لثنينه في حريقه = عاشوا ال سعود والبيرق سعودي

**********

رميتي صايبه في كل حال = مار فالعود ولا فالولد

قالوا ارجال ماشفنا رجال = المثل قال ما فالحمض احد


ــ ـ ـ ـ ـ ـ ــ ـ ـ ـ ـ ـ ـ ـ ـ ـ ـ ـ ـ ـ ـ ـ



تركي 2000 :


اجتمعنا فالمواقف واتفقنا = فالعلوم الطيبه محدن سبقنا

ولا يفرق جمعا الا من خلقنا = عاشوا ال سعود والبيرق سعودي

********

الهوا ما يغير فالجبال = والوعد قدم يا راع الوعد

مايجوز الحرام مع الحلال = و الجنازه مرددها اللحد


ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ


سفر الدغيلبي :


اجتمعتوا كيد لفلان المسمّى = وكل منكم ماتهجا بجزء عمّـى

لو تعزووا باخو هيّـا واخو شمّى = عاشوا العتبان والبيرق سعودي

*********

عالم ٍ بالحيل والاحتيال = عايشه في مشاكل في نكد

يا عسا بيت ما جاله ضلال = بالنجم و الشياول والهدد


ـ ــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـــ ـ ـ ـ ـ ـ ـ ـ ـ ـ ـ ــ ـ



تركي 2000 :


يا سفر وقت المسا ولا الصباحي = ما يطير الطير مكسور الجناحي

تلعب الدنيا عليه قرين ضاحي = عاشوا السعود والبيرق سعودي

***********

من يبيع المعرفه بالريال = قل عينه عساها بالرمد

قرب الصبح و اذن يا بلال = من يصلي لوجه الله سجد


ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ــ ـ ـ ـ ـ ـ ـ ـ ـ ـ ـ ـ



ما نعرف قرين ضاح اللي تقوله = هذا عندك قمة العاب الطفوله

والعتيبي لعبه سيوف البطوله = عاشوا العتبان والبيرق سعودي

***************

واحد(ن)لا جنيه ولاريال = لا يصج البلد واهل البلد

شبها يا سريع الاشتعال= يقمح اللي عن اللازم رقد

ــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ


تركي 2000 :


ادري انك منت من قوم البداوه = احضري(ن) ما تمص الا الحلاوه

والغلا تصغيرته كلمة غلاوه = عاشوا المطران والبيرق سعودي

*******

يا هل الهرج قفلنا المجال = كل حجه تثبّت بالسند

واجبك تاخذه فال و عقال = عد الايام واحسب فالعدد


ــ ـ ـ ـ ـ ـ ـ ـ ـ ـ ـ ـ ــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ



سفر الدغيلبي :



انت في تال الزمن قصتك قصه = كل ما غلقت رصه جتك رصه

ما ضرينا بالحلاو اللي تمصه = عاشوا العتبان والبيرق سعودي

**********

ياهل الهرج ممنوع الخبال= ارفع الهرج وابشر بالسعد

كان تبغى المنازع والجدال= عندنا علم حبل(ن)من مسد

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ



تركي 2000 :


ياسفر طال الكلام وطال ليلك = وكان بين الناس ما تعرف دليلك

ياعساه يرصك اللي ما ياويلك = عاشوا المطران والبيرق سعودي

***********

اسمعوا ياكريمين السبال = ما تحد السيوف الا محد .








،، النهايه،،

--------------------------------------------------------------------------------

تقبلو تحياتي وسامحوني على القصور
ناصر علي المحيش

مشكور على نقل هذي المحاوره الرائع

والله يعطيك العافيه

وتقبل سلامي