قبيلة بني رشيد - يــكـــلمنــــي......

يكلمني عن جروحه .. وأنا من سبِّته / مجروح

!يسولف لي عن (أحبابه) وأسولف (عنَّه) لـ حاله

أحس في دمعة عيونه , وتطلع من بكاه الروح

, وإذا يفرح مع غيري . . . بكى " قلبي " و / هنَّاله

رسمته في قلم ناشف على قطعة خشب من لوح

و تهيألي يحاكيني !! ويبيني (أرسم)إظلالـه

تحرَّك طيفه الدايم . ولَعَب في حسبتي بجْموح

يحب الخيل , و , (أشعاري ).. عشانه صاروا خيَّاله

وصار بـ عيني ( الأجمل ) مع إنَّ شوي هو / مملوح

,ولا غيـره مـلا عيني وقلبي بس يصفـالـه

ذبحني قلبي الساكت ! متى قلبي عليه يبوح؟؟

أحبـه وماعرفإني أحبه , وأعشق وصاله

. . .

كتمت , وهذا من طبعي , وتمنيت " الغلا " مفضوح

ببيِّــن له ولا أقدر !! مــع إنِّـي جالس قباله

أخـاف إنّه بعد مُدَّه يطير ومن إيدينــي يــروح !

هو نعمة من فضل ربي , ويقولوا : النعمـة زوَّالـه

لي قلبٍ من كثر حُبه على : فراش التعب : مطروح ,

لا هو " ميت "..ولا " عايش " .! ووالله إن مـاااتأشواله

وحبـــي من طرف واحد , غلا صــادق بــدون مــزوح

وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . و قلبي دوم له / مفتوح

يطمِّنـي عن " أخباره " , وشنهي آخر أعمـاله

وإذا شفته خطا بـ حقي بدون أعذار ؟ .. هو مسموح ,

في نيـاته ولا يـدري .! وطيبـة قلبــه همَّـالـه

في جياته يروح الهم , ويبدِّل ( دمعتي ) بـ فروح

تمنيت البشـر مثلـه . . . وكل من حولي أمثاله .!

من الله حُبـه في قلبي حشـى مالي ترى مصلوح ,

عسى يكبـر و يذكرني و يسمِّي بـ " إسمي " : إعياله