يالله اني طالبك طلبة اللي مستحين =يامليك بر منان يافرد(ن) كريم
يطلبون بجوف ليل(ن) ركوع(ن) ساجدين =خاشعين بذل متضرعين للعليم
حالتي حالاتهم مستعين(ن) يامعين = باسمك الاعظم بناديك يا أرحم رحيم
أطلبك بأسماك وأطلبك في صاد(ن) وسين = وأطلبك بالملك والذاريات وبالنعيم
وأطلبك بالحشر وعمران هي والسجدتين = وأطلبك بالعصر والتين وزمزم والحطيم
وأطلبك بالسبع والجن هي والمرسلين = وأطلبك بالكهف والعاديات وباليتيم
وأطلبك بالرعد وفي هود هي والمومنين =وأطلبك بالنور والواقعه وقاف(ن) وميم
وأسألك في حب عيسى ويونس والسجين = وأسألك في حب يعقوب ونوح وبالكليم
وأسألك في حب منهو امام المرسلين =وأسألك في حب من يحمل العرش العظيم
وأسألك باسماك ما غاب منها ومايبين = وبسمك اللي فوق ميزان عدلك ياقويم
تجعلن في زمرة السابقين الأولين = الذي لا حساب ولا خوف سلم ياسليم
تمنن من حشر يوم يشيب المرضعين = تاخذ بيدي على جسرك اللي مستقيم
ربي ان ابليس معه الجنود مجندين =وأقسم بعزتك وهو عن العزة رجيم
وهو يراني وانا مقدر أرآه اللعين =ونفسي اللي في ضلوعي تعينه من قديم
كان مافكيتني منه يا أرحم راحمين = طحت بشباك العدو الضعيف الأليم
أستعيذ بنور وجهك معاذ العايذين =وبعزتك مع قدرتك انت يامذري النسيم
ثم صلي ثم سلم لأمام المومنين =يا أله الخلق يامحيي العظم الرميم