اخواني متابعي منتدى شعراء شبكة بني عبس
اهدي لكم اهذه القصيدة و أتمنى أن تحوز على رضاكم
مع تمنياتي لكم بالتوفيق :-

لا يانجوم الليل صاحبك ماتاب= عيت عيونة لاتفارق سهرها
والجادل اللي جرحها مابعد طاب= قولي لها ممدوح راح بخبرها
يضحك ودمعه حاير بين الاهداب= يخاف تنزل دمعته ويحشرها
قولي لها يذكر مواعيد الاحباب= مافيه لحظة عدت الا ذكرها
أول لقا واخر لقا و اول عتاب =و أول رسايلها واخر صورها
كانت رواية كانت عيونها كتاب =كانت دروبي كنت هاوي سفرها
كانت قريبة والبشر كانو اغراب ='كانت صباحي كان ليلي شعرها
كانت وكانت قبل تتفتح ابواب = اجمل ليال العمر كانــت قمرها
كانت حقيقة لكن الوقت كذاب = طوى السنين الماضية واختصرها
غابت ولا اذكر فيه للغيبة اسباب =راحت وراح العمر وانا انتظرها

اقتباس من مشاركة عاشق الصحراء (المشاركة 559515) الشاعر ممدوح العريض صح لسانك ولاهنت على القصيدة الرائعه تحياتي لك

اقتباس من مشاركة مرزوق العجوني (المشاركة 559554) صح لسانك اخوي ممدوح وتقبل مروري

اقتباس من مشاركة ابوفهد العويمري (المشاركة 559558) صح لسانك اخوي ممدوح وتقبل مروري