|
الطاروق الأول : ثنيان الرشيدي// مستور العصيمي
السلام عليكم ورحمة الله وبركاته اخواني
اعضاء شبكة عبس الكرام كما وعدتكم باني انزل محاورة ثنيان ومستور هذا الطاروق الاول بينهم ثنيان الرشيدي باسم عبس واسم معزب الضيف اباقول هلا مرحبا ترحيبة عالميه الا يالعصيمي حال حول دثر حول وقلب الموصى محتفظ فالوصيه مســـتور العصيمي كلام تقوله يابيض الوجه مقبول يدوم البقا من حسن خاطر ونيه انا خاطري في تال الايام مشغول ولا كني إلا شارب سم حيه ثنيان الرشيدي ولا ياوسيع الصدر روح على طول ترى الوضع ماهو لعبة سامريه تراك انت في بعض المواضيع ماسول ياراع الشداد اللي بوسق المطيه مستور العصيمي ابروح وانته روح واللغز محلول ويرعاك ياثنيان رب البريه لياجبتلك ياصاحبي علم مجهول ابكشف عليه وحكمته في يديه ثنيان الرشيدي .................. ............. هذي وذيه (( غيرواضح من الشريط )) ترى اللي يطق الباب والباب مقفول يجيه الفرج والا تجيه المنيه مستور العصيمي مع الناس انا ماني عن الناس معزول وصلنا القضاه اللي تحل القضيه لك فعول ياثنيان وانا لي فعول تذكر زمان سنينك الجاهليه ثنيان الرشيدي مزارع تهامه روحت دون محصول عسى الله يعوضها بعيد الضحيه انا ماغدالي شئ والسيف مسلول لو القى عتيبه نملة فارسيه مستور العصيمي يجي في عبادالله مجانين وخبول تقدم له الحسنه ويعطيك سيه مزارع تهامه تزرع الدخن والفول وخليتها لأهل البيوت الغنيه ثنيان الرشيدي انا مانهبلت ولاتقفيت مهبول ولاجيت أدور عند غير حذيه تجحد سحاب الوسم والثوب مبلول تسجل عليك من النشاما خطيه مستور العصيمي ولا ياثنيان احترص واذهن الزول ترى الزول ماجابلك غير الاذيه انا خابر إنك تملك الدر واللول تجيبه من اعماق البحور العذيه وسلامتكم |
يعطيك العافيه
|
بيض الله وجهك وطاروق جزل
|
بيض الله وجهك وطاروق جزل
|
بيض الله وجهكــ على نقل هذا الطاروق المميز بين شاعرعبس وشاعر عتيبه فعلا طاروق فتل ونقض من أروع ماسمعت ومن أروع ماقرأت في هذا الموروث الشعبي فيه الكثير من المعاني والكثير من القوه والجزاله مره اخرى بيض الله وجهكـ وياليت لو ماعليكــ كلفه تنزل بقية المحاورهـ من طواريق وموالات لأنها بالفعل محاورهـ مميزهـ . |
تسلم اخوووي عـــازف
ويعطيك العافيــه عالنقــل المميــز وتقبل مروري |
للشعر حضور بحضور العمالقة
دائما مايضع ثنيان له بصمة في محاوراته فلله دره من بطل ومسور عملاق واللعب معه فائدة ولكنه جبل وواجه له جبل الله الله على الشعر الحقيقي والف مبروك للعريس موسى صالح وعسى الله يوفق الجميع مشكور ياعازف عزفت على وتر قلوبنا الحساس بارك الله فيك |
صح اللسان ثنيان ومستور على المحاوره الممتازه والمميزه
ولاهنت على النقل وياليتـ تكمل باقي طواريق المحاورة والمواويل ..// |
| الساعة الآن +4: 02:32 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
