يكفلنـي الدستـور بالعسـر واللـيـن=واللـي بقولـه (يارئيـس الحكـومـه)
كـلام.. مايحتـاج حلـف وبراهـيـن=يحتاج لـه و(قفه)و(فزعه)و(قومـه)..!؟
دينارنا يدفـع رواتـب (فلسطيـن)..!!=ويآخذ من الشعب الكويتي رسومـه..!؟
ياما دفعتـم.. مـن كرمكـم ملاييـن=للي يشـن مـره علينـا هجومـه..!؟
بخاطبـك (بلسـان) كـل المساكـيـن=أنظرلهـم (تكفـى) بعيـن ٍ رحـومـه
مـن (الفقر)و(الجوع)و(الهم)و(الديـن)=كلن من الضيقه (يشقـق هدومـه)..!؟
زدتوا معاش الشعـب (ميـه وعشريـن)=وفرح بها (التاجر).. وزانت علومـه..!؟
وحامـوا علينـا فـي جميـع المياديـن=وطارت زيادتنا تـرى بظـرف حومـه
و(الكهربا) و(المـاي) أكبـر قضيتيـن=ماحلهـا أي (عبقـري) بالحكومـه..!؟
بـس للـدول نبنـي محطـات ونعيـن=واللي يلـوم (الشعـب) الله يلومـه..!!
عينه على (العداد) لـه حـول سنتيـن=تعـب يطالبكـم و(طاحـت عزومـه)
(التنميه) و(الخصخصه) و(الدواوين)..!؟=(أحلام).. صارت بالحقيقه (إمعدومه)..!؟
(مانتفـق) مهمـا أقترحنـا قوانـيـن=مـدام كلـن يبيعـارض (خصـومـه)
بس (نتفـق) أنـه مـن العـام للحيـن=كل (رب أسره) مبتلش في همومـه..!؟