ياللي تعلمت منك الحب في مبتداي=وشلون تقسى وتطعني بسيف الغدر
عذبتني بالهوى وشمت فيه عداي=واودعتلك ضيقةً حلت بوسط الصدر
وش جاك مني خطاء يومك تدور شقاي=وأنا معك مخلصً وادراك مدرى النظر
مالي جدى إلا اتصبر وابخفي عناي=وأنساك وابعد عنك ياللي نويت الهجر
واسكت وأجامل واقول اللي حصل لي خطاي=مدام خنت الغلا هذا القضى والقدر
واقول قلبي عزى عنك ولا أنت بهواي=قلبي نسى حبك اللي صار ضيم وقهر
حاول تبعد تراني عنك معلن جفاي=وش لي بحبً غدى تالبه هم وسهر
رح في طريقك مدامه مايهمك رضاي=لابد ياتيك يومً مايفيد العذر
ويحن قلبك على وقتً مضى لك معاي=وتعيش قسوة عذابً مع هموم وكدر