الله من همـن سطـا فالمعاليـق لين أصبحت منه الضماير ضياقي

جرحن إلى مني تذكرته أضيـق وتضيق في عيني وسيع الرقاقـي

أنا زماني نشف الحـال والريـق ودموع عيني فوق خدي سواقـي

مع زود سهر العين قل التوافيـق وهمن خذا بين الضلوع أصطفاقي

أغط في موجه وبالشاطي أفيـق ويجهمبي الهاجوس قبل الشراقـي

مجهام من موحن بدار الزماليـق نبهت خبر ماينـدرا وش أنلاقـي

ودجنا وعودنا بطـاق الطوابيـق عج وكتام ومن همـاج المذاقـي

يافوح صدري فوح صفر الأباريق اللي علا الشعله حداها الرواقـي

وياتل قلبي تل حبـل المسابيـق لاتلهـن حـرن لمـح فالمتاقـي

اليوم أبنصا ديرت الزين وأويـق مدام باقـن فـي حياتـي بواقـي

أنا صبرت وقلت للصبر ما طيق صبرن ثلاث سنين بين شهاقـي

ماضن مثلي في جميع المخاليـق لامفلسـن دايـم ولانـي بلاقـي

لو ما أتسـلا بالوجيـه الطاليـق كان أكشفو سر أنقطـاع التلاقـي

مغير أسوق الرجل يم الشاهيـق مع كل عصريه محـول وراقـي

أدله النفس الشقيه عـن الضيـق وصبرن ثلاث سنين بين أشهاقي