قبيلة بني رشيد - وصيــــة الشاعر صقر النصافي

قال: مـن وصـى عيالـه وده إلهـم بالشكالـهخابر(ن)راعـي الرزالـه بالمجالـس تشنـعـه
يا ((إمهلي)) شوف أخوانك شانهم من صوب شانكعندمـا يزعـل إلسانـك عنهـم الغيـظ أدفعـه
وأنـت يا((علي))أفتكـر خـل قولـي لـك ذكـرربعـه الطـيـب شـكـر والــردي لاتتبـعـه
يا((مسلم))وأنـا أبـوك العـرب لـو صاحبـوكمايسـرك غيـر أخـوك كـل مايأمـر طـعـه
ياعيـالـي كلـكـم أفطـنـوا فــي حالـكـمالتـنـازع ذلـكــم والتـصـافـي منـفـعـه
أجهـدوا لله بطاعـه وأتبعـوا راعـي الشفاعـهقبـل يـوم فيـه ساعـة عنـد ربـي مرجعـه
القصير أمشوا بحقـه لـو بـدت منـه المشقـهوإن كثـر بالقلـب دقـه طـو بيتـك وأشلـعـه
مـادواه الإمراحـه فـي فـراق السـوء راحـهلاتجازيـه بقبـاحـه يــوم ربــه صرقـعـه
والخـوي حقـه عليكـم تجعلونـه مـن حديكـمكـل شغلـه فـي يديكـم ليـن ياصـل مربعـه
إن تمرجـل كيفـو بـه وإن تـردا عبـرو بــهلـو يصيـر لكـم عقـوبـه قصة(ن)بالمبلـعـه
والحمـق يخـر مضـره يلحـق العقيـل شـرهون طـرا راعيـه مـره قـالـوا الله يقطـعـه
والصبر عند البلاوي خيـر مـن كثـر الشكـاويلـو تصيـح ولـو تـلاوي مابغـا الله يصنعـه
وأحذروا حقـر الفقيـر دعوتـه يمكـن تصيـر.؟أدخـل الله وأستجيـر قبـل يــذرف مدمـعـه
التكبـر للرخـوم يحسـبـون إهــم الـقـرومعندما يبـدى اللـزوم عشرهـم نصـف أربعـه
والعـدو لـو زان بالـه أنقلـوا منـه الحمالـهلـو مغـط ألكـم حبالـه بغظكـم يبقـى معـه
والصديـق بكـل حـال عنـد حظـرات المجـالمدحكـم عنـد الرجـال كـل مـاجـاه أشبـعـه
والصديـق إليـا نكركـم مـا دواه الأ ظهـركـموإن خضعتوله حقركـم صرتـوا عنـده مضفعـه
والتمـنـي مايفـيـد لــو تـزيـده مايـزيـدمثل بق طار مـن إيـد بالهـوى مـن يجمعـه.
والحلوف أبغيـر حاجـة كلهـا ذنـب وسماجـةواجـد اللـي باللجاجـة دوم حلـفـه يمطـعـه
كـم صبـي(ن) بالرخـا ظنكـم فيـه الصـخـاوأن كربتـوه أرتـخـا كــل عذر(ن)ياسـعـه
جـاز مـن كـل الصداقـه والمحبـة واللباقـةوالسبـب نفسـه أرفاقـه حتـى الانـه تضلعـه
والمغفـل يحسبنـه دوم فـي نعـمـة وجـنـةماخـذ(ن) دنيـاه ظنـه ليـن بقـعـا تصقـعـه
ثم يقعد مـن منامـه ملحـق(ن) نفسـه ملامـهعقـب ماشـاف الندامـه يـوم هـاك الكعكعـه
الرجـال أبهـم فهـيـم لايـضـام ولا يضـيـمعندمـا يبـدى حلـيـم والحـقـوق مشـرعـة
راعـي الصبـر محمـود ليـن مولمتـه تعـودثـم يـنـزل بالـحـدود والمطـمـن يرفـعـه
والرجـال إبهـم ثقيـل كـل عـمـره مايعـيـلوإن طمـع فيـه الجبيـل دون حقـه يصفـعـه
أن بغيتـه بالمـروه شفـت نــو الخيـر.؟نـوهوأن بغيـت الحـق قـوة طزعينـك باأصبـعـه
وإن بـلاك الله بعاقـه مـن مقاريـد الرفـاقـهلاتـوريـه الحمـاقـة لـيـن ربــك يقلـعـه
خـل شوفاتـك بعيـدة عنـد نفخاتـه وريــدةثـم عقب(ن)لاتعيـده السـعـه ثــم السـعـه
كم صبي(ن) كل يـوم يعتـزي مـن غيـر قـوموإن تناطحـت القـروم مايـدانـي الفرقـعـه.!!
صاير(ن) للشـر سبـه ليـن يلقـا مـن يدبـهثـم يبـرك للمسبـه يـوم جـاه مـن أشبعـه
والسفيه إليـا نهيتـه عـن طريـق(ن) مابغيتـهلـو تجـره ماقويـتـه والـنـدى مايسمـعـه
راح في درب(ن) يضره وأنـت شـورك مايسـرهوالله أنـك لـو تجـره.؟ مايبـي غيـر إسنعـه
والرجـال أبهـم كـذوب مايهـاب مـن العيـوبلـو يفـجـر مايـتـوب والـخـزا مايوجـعـه
والرجـال أبهـم صـدوق فـي كلامـه مايتـوقيفتهـم كـل الحـقـوق والكـريـم أمسنـعـه
والرجـال أبهـم كريـم لاخطـر خلفـت رزيـموأن طرش.؟قلبـه سليـم كـل زاد(ن) يقنـعـه
والرجـال أبهـم بخيـل لاخطـر مــدة قلـيـلوأن طرش.؟مالـه مثيـل يـشـره الله ينـزعـه
والحريم أبهـم طبايـع فيهـن التخميـل ضايـعلو بهـم عاصـي وطايـع كـل الأكثـر مندعـه
النـصـاح أيبينـنـه والخـمـال إيدمـدمـنـهوإن بغـن دربـن يجنـه لـو عليهـن مسبعـه.
ثم فيهـن مـن حبيبـه رجلهـا تشهـر بطيبـهواهنـي منهـي نصيبـه لـو متاعـه سلوعـه
وإن طرش وأبطى مراحـه أمنـن قلبـه براحـهمايطيـع أهـل القباحـه والجهـل واللـودعـه
ثـم فيهـن شلبديـه تاكـل الطلـيـان حـيـهوالـردي ماهـي رديـه ميـر مـاجـا تبلـعـه
رجلها لو جـاب واجـد عندهـا ماهـوب ياجـدأن سكت فـي الفقـر ساجـد وأن تكلـم تسبعـه
ثم فيهـن مـن تحوفـك كنهـا تفـرح بشوفـكوأن تبين عـرق جوفـك بيـن إيديهـا تمصعـه
تنصحك وهـي العـدوه وأنـت تحسبهـا حمـوهلاتظـن أبهـا مـروه حـبـل وصلك...تقطـعـه
لاتقـول أن العجـوز عـن طبايعـهـا تـجـوزعنـد طاريهـن تفـوز تضـحـك أم الدعـدعـه
لو تصير أبـزي ضبعـه مالهـا بالعمـر شبعـهكـل مخلـوق وطبعـه ضايـع مــن طبـعـه
ثم فيهـن مـن تعينـك دايـم(ن) يدهـا بيدينـكعندهـا مامثـل زينـك لـو علـيـك مرقـعـه
تفتهـم حـق الرجـال عنـد زوجـات الـحـلالالدقـاق مـع الجـلال كـل شـئ أبموضـعـه
ثم فيهـن مـن تحلـوى شرهـا يبـلاك بلـوىليـن بلحجـة تعلـوا فـي ثيـاب مطـوعـه.))
تعطيهـا ســدك وأنــت كـتـم الـسـد ودكتصبـح الهرجـه بضـدك فالـنـداه أمصلـعـه
ثم فيهن مـن تحبـك وأقشـر ماتشـوف جبـكوألحمتهـا لـو تسبـك فـي جسـدك أمربـعـه
أن تكلمـت أفضحـتـك وأن تغاظيت.؟أجرمـتـكون تساكـت نتفتـك نتـف ريــش القوبـعـه
بـع أقاصيهـا بدانـي زدتهـا والعمـر فـانـيلاتحـط أبهـا مثانـي ســو بـيـع أمقلفـعـه
ثـم فيهـن قشمـريـه صايـبـه ومجادعـيـهعنـد ضحكـات الثنيـه مـن يجيـهـا تلقـعـه
السفيـه إليـا نظرهـا دايمـن يلهـث بثـرهـاوأن بغاهـا ماقدرهـا بـس يلـهـث مدلـعـه
مايطيع أهل النصيحه لو لبـس ثـوب الفضيحـهولا أعظـاه أبمستريـحـه والعـيـون مولـعـه
والذهين إليا عرفها كـف روجـه مـن ظرفهـاجـاز منـه ماخرفهـا لـو تـكـون أمهينـعـه
ثم فيهـن مـن وثيـق سدهـا سـد(ن) غريـقمالنـا شدهـا الطـريـق قولـهـا ماتطلـعـه
سدهـا مثـل الأمانـة عنـد رجـال(ن) تكانـهمايهوجـس بالخيانـه رابـح(ن) مـن ودعــه
ياعيالـي جعلـكـم يبـعـث أسـمـي فعلـكـمالنصـاح أطيـب لكـم والـردا بــه خرفـعـه
أمنـوا تـرى النيـه مثـل ماقـالـوا مطـيـهلاتصيـر أبكـم رديـه فـي محـول أو زلوعـه
الضعيـف إليـا نصاكـم لاتشـحـون بعطـاكـمفـي رجـا الله ثـم رجاكـم كـل ماجـا أقنعـه
والعطـا ماهـوى بالله كوبتـن كـثـرة وقـلـةضايـع(ن) راعيـه ضلـه ضـاع والله ضيعـه
أفهمـوا قـول المجـرب مابغـا وثت(ن)يطـربباقـي الدنيـا تخـرب ماحـدن تصفـي مـعـه
وألـزم ماعلـى الصبـي طاعتـه والمذهـبـيوالصـلاة علـى النبـي والأمــور أمشمـعـه