قبيلة بني رشيد - اضع بين يديكم هذه القصيده

[frame="11 10"]اعزائي اضع بين يديكم هذه القصيده وهي لشامان عمر الرشيدي عندما حضر حفل تخرج بعض ابناء القبيله من الجامعة أرجوا أن تحوز على رضاكم[/frame]

[POEM="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=sp num="0,black""]سـلام مني يـاطـويلن الاشناب = من شاعـر ٍ صدق الوفا راس ماله
سلام ٍ الين من نسيـم الهـوا الهاب = صبح المطر ساقت براده شماله
اوماهمل وبلٍ من الغـر سكاب = عـزل طها مزنه وصدق اخياله
اوما بدع زيـن المثايل وماجاب= عـميد شعـرٍ جزل الا شعار قاله
يقظ ٍ حظر فكره للا شعار ماغاب= دلـيـل مـاقـال وتـصـور الـبـاله
بحظوركم في حفلكم زاد الاعجاب = وخـتار من زين المثل ماطراله
اختار من زينات الاشعار ماطاب= تـقــدير لهـل الحـفـل والي عـناله
تخريج من للعـز والعـلم طلاب = والعلم هـو تاج الشرف والـرجاله
العلم نورٍ والمعالي لها اسباب = ورجـل ٍ بـلـيا عـلـم عـزي الحاله
رجلٍ ابليا علم سيفٍ بلا انصاب = لـوهـو عـريب الجـد عــمه وخاله
والي كسب للعلم يحسب له احساب = ياسعـد مـن تـصـل المعـالي احباله
العلـم عـزٍ يـاعريـبـيـن الانساب = وكلٍ يـهـون ولا دروب الـجـهـاله
يـاكاسب ٍ للعلم ياخـيـر كـساب = الـعـلـم واهـل الـعـلـم تـفرق ارجاله
اجدادكم يـومنها خـيـل وركاب = تـقـود فـرسـان ٍ اتـروي اسـلا له
يـوم القبايل بين ناهب ونهاب = والـنـاس مـاتـاتـي بـعـضـهـا اخـتاله
للجار غيث ولهل الحرب حراب = انـكان نـار الـحـرب زاد اشـتـعـاله
بـراك يعـرف فعلهم بين الاجناب = خــيــالـهــم رد الـعـشـايـر الـحـاله
مدحتهم من غـيـر ذم ٍ للصحاب = اهـل الـكـرم والـطـيـب وهـل الشكاله
وكل القـبـايل بالفعايل لها اكتاب = يـشـهـد لـهـم بـالـعـز فـيـمـا مـضـاله
تاريخهم عن كوكب الكون ماغاب = نـورالـوفـا والـصـدق مـنـهـا كماله
بقيادةٍ بامر الولي ترهب ارهاب = بـيـض الـوجـيـه اللي اكرام ٍ اسباله
درع الوطن عن كيد خاين ولعاب = عـز الـمـواطٍ والـوطـن بـالـعـداله
غيثٍ على من صار في داره اجداب = اليا شح مجـهـود الزمان ابـنـواله
ادعولهم بالعز من رب الارباب = ربٍ ايـبـشر بـالفرج مـن يساله
والختم صلو ما شعا الذود نداب = وقت الرواح وطارف الذود جاله
اوما على عوص النضاراح نجاب = صلو على المختار راع الرساله[/POEM]
[FRAME="11 50"]القايل/ شامان عمرالرشيدي[/FRAME]