الـذوق والابـداع متجمعـه فيـه=والصّدق والاخلاص اجمل صفاتـه
من شاف زوله قال من قلب لبيـه=لبيه يـا العقـل الرّزيـن وثباتـه
ادعج غنج والثقل طبعـه محليـه=هذا وحسنه مستتـر فـي عباتـه
واشلون لا فرّع وبانـت حسانيـه=العود يتشبّـب ويحـذف عصاتـه
الارض تفرح لا وطتهـا خطاويـه=ويفوح لـه ورد الرّبيـع ونباتـه
والمزن يرقص له بعالـي مناشيـه =ويداعبه ريـح الهبـوب استماتـه
مالك وسام الزين باسمـى معانيـه=حسن ودلال وفارق ٍ فـي حلاتـه
زينه طبيعي ما وجد مـن يحاليـه=حتى لو انه صاحـي ٍ مـن مباتـه
نظرة عيونه ساحره حضرة البيـه=ومن سحرها كن البشر من هواتـه
امن الأناقه كل مـا فيـه يزهيـه=وامن اللباقه يعتبـر مـن دهاتـه
امن الترف نطقه هلوو هاي واوكيه =وامن الدّلع يغريك حتـى التفاتـه
اموت لامن قـال بإحـراج امبيـه=واذوب في خـدّه وعضّـة شفاتـه
محلى لسانه لا لعب بيـن اشافيـه=فتنه ليـا سولـف وفتنـه سكاتـه
ضحكه جميل وضحك غيره ما دانيه=لبيه فـي مزحـه ولبـى خملاتـه

اقتباس من مشاركة زهو الايام (المشاركة 489026) صح السان شاعرها... وسلم الله قلبك على هالذوووق ... قصيده ...روووووعه... كل بيت احلى من الثاني.. دمت شاعر ذويـــــــــــــــق

اقتباس من مشاركة عبدالله المظهور (المشاركة 489088) صح لساااااااااان شااااااااااااااعرها وتسلم يمينك ياحجاح على هالنقل الرااااااائع . اختيار موفق لقصيده جميله . تقبل تحياتي .