أدري وأعرف إنك تريد اعترافي=تبي تخضعني بحبك تخضاع
تبغاني أمرض منك وأنت متعافي=وهذا عليك أبعد من الشمس للقاع
والله لتصفيلي وأجي معك صافي=ولا بحبك غير لا صير قطاع
والبين أعظم منه ما كان خافي=علامة التنكيد تغيير الاطباع
كابر ومثل وأخرتها عوافي=لين التأكد منك وأعرف الاوضاع
وأعطيك رداً حاسمٍ منك شافي=رداً يخلي ميت القلب يرتاع
أما يصيبك من بعدها انحرافي=ولا تعرف الناس وشلون تلتاع
وأنا وفي ومع الوفيين وافي=مع المخادع شرس ماني بخداع
ولا قول أنا الطيب ولا قول هافي=شبرٍ بشبر وفيه وذراع بذراع
وأن كان نورك كل ما جيت طافي=تبي تقنعني وأنا صعب الاقناع
فرقاك عيد ولا أنت قد القوافي=لون خدك برق وعيونك وساع
وخذ درس مني في نهاية مطافي=أن الكرامة شي يشرى ولا يباع
وأنا تراي المستفيد السنافي=منك أنت وأشكالك تعلمت الابداع

اقتباس من مشاركة هـآوي (المشاركة 485876) أدري وأعرف إنك تريد اعترافي=تبي تخضعني بحبك تخضاع تبغاني أمرض منك وأنت متعافي=وهذا عليك أبعد من الشمس للقاع والله لتصفيلي وأجي معك صافي=ولا بحبك غير لا صير قطاع والبين أعظم منه ما كان خافي=علامة التنكيد تغيير الاطباع كابر ومثل وأخرتها عوافي=لين التأكد منك وأعرف الاوضاع وأعطيك رداً حاسمٍ منك شافي=رداً يخلي ميت القلب يرتاع أما يصيبك من بعدها انحرافي=ولا تعرف الناس وشلون تلتاع وأنا وفي ومع الوفيين وافي=مع المخادع شرس ماني بخداع ولا قول أنا الطيب ولا قول هافي=شبرٍ بشبر وفيه وذراع بذراع وأن كان نورك كل ما جيت طافي=تبي تقنعني وأنا صعب الاقناع فرقاك عيد ولا أنت قد القوافي=لون خدك برق وعيونك وساع وخذ درس مني في نهاية مطافي=أن الكرامة شي يشرى ولا يباع وأنا تراي المستفيد السنافي=منك أنت وأشكالك تعلمت الابداع