قبيلة بني رشيد - عيد مربح الرشيدي وسعيد الاحمدي

السلام عليكم ورحمة الله وبركاته:
هذة محاوره قديمه جمعت الشاعر المبدع عيد بن مربح الرشيدي والشاعر سعيد الاحمري واليكم هذه المحاوره واتمنى ان تنال اعجابكم:

عيد بن مربح

ياسلامي عليكم بعد ما وصل زامي / ردتن تنهي الطلبه وبلشاتها

يابو صالح تحيزم ثم شد الحزامي / وكان عندك سوالف هاتها هاتها

سعيد الاحمري

ياهلا مرحبا رده تزيل الظلامي / ردت اهل الوفا تاتيك باوقاتها

جاك ابو صالح يكنلك كل احترامي / والسولف عليكم رسم لوحاتها

عيد بن مربح

ماعليكم ردى يامكثرين اليدامي / واهل الدار قلي وين غيباتها

جعلهم طيبين بدون تحديد اسامي / لان بقعى تروعني بصفقاتها

سعيد الاحمري

البلد من ينوب ان غاب قايم مقامي / ومن بغى القوم ياصلها بمحلاتها

لوبغيت الشمالي جاك عنه التهامي / والليالي عليك تبين دوراتها

عيد بن مربح

انت من دون نفسك منت عنهم محامي / جاوب الناس في مقصود نياتها

قبل كد قال عنك أرشيد شاعر نظامي / كلمتن كنت محتفظن ببصماتها

سعيد الاحمري

محتمين البلد ياعيد شرقٍ وشامي / لو تغلط العرب بنرد غلطاتها

كلمة أرشيد فخرٍ وأعتبرها وسامي / تظهر الناس يارجال نياتها

عيد بن مربح

احتماها اخونوره يوم عينك تنامي / وفق الله حكومتنا بخطواتها

انت نوبن خطيب ومرتينن حرامي / كيف دنياي تدخلني بمخباتها

سعيد الاحمري

ليش ماتشيل حملك ياقوي العظامي / جسمك اليوم مايحمل ثقيلاتها

جاتك القوم في ديرتك من قبل عامي / ماحتميت البلد يا ريس احماتها

عيد بن مربح

ما أستعناك في شيلت وقوت جرامي / من ليالي تبوك وقرن غزواتها

عاد عيدك على ظلم العرب كل عامي / اكثر الناس تبحلني ببسماتها

سعيد الاحمري

يوم غزينا العرب جا بالصفوف انقسامي / وانت ياعيد ربعك وين فزعاتها

قصر ابوزيد مانبغى يجيه الهدامي / وانته اللي عطيت القوم طمعاتها

عيد بن مربح

يوم وقت المغازي خازمينك خزامي / غزوتك يوم فلا الذيب مع شاتها

ياجماعه علام سعيد مدري علامي / اشهدولي على الدنيا وميلاتها

ولـــــــــــــــــــــــــــــــــكــــــــــــــ ـــــم تحياتي