من مايقـول الحـق والله يخافـه=يبي يولّف بك سوالف ماهـي فيـك
والديـن والايمـان درب النظافـه=وعن هالطريق يحاول أبليس يغويك
والادمـي لاصـار فيـه أنحرافـه=معاد فرق بيـن هـاذي ولا ذيـك
ويعمي نظر عينـه وقلبـه هرافـه=لو أنت من لحمه يبيعك ويشريـك
وحتى عمر اللـي أميـن الخلافـه=من أمة محمد طلـع لـه صعاليـك
دامه كـذا مامـن ورانـا مخافـه=ياالعز من بايعك بالـروح نشريـك
ومن لاحسب للطيب مـره وطافـه=ولا يطير بالجنحان لو رفرف الديك
وظخم الجسم والطول عند الزرافـه=والموت له يوم(ن)يبي فيه ياتيـك
وحياة عز(ن) في ظروف و كسافه=ولا قربة الانذال لو كـان تغنيـك
وعيشتك في دارن تزايـد جفافـه=ولاخـوة اللـي مايعـزك ويغليـك
اللي على نفسـك تزايـد أهرافـه=ومغير في وسط المجالس يناحيـك
أبعـد عنـه لا تنهـزع للضعافـه=وقل أنت مامثلك ولا حدن يساويك
أبعد عن الرديـان وأهـل اللقافـه=والرزق عند اللي يميتك ويحييـك
والمرجلـه تبـي جهـود وكلافـه=والمال قلـه فـي يـدك مايرديـك
ومن مايشوف الناس محدن بشافه=الناس ماهو له عبيـد(ن) مماليـك
ياللي عليك الطيـب قصـر لحافـه=وسواد وجهك من فعولك امغطيـك
مالحقنا مـن يـم بعـدك حسافـه=لا طالت ايامك ولا طـاب طاريـك
حنا الذي تمشـي وتقعـد خلافـه=في وقتك الحاضر وفي كل ماضيك

bani-3abs:p
عــ زيــ زي / خليف الوهيداني

صــح لسانــك ؛؛؛

أبيات رائعة وهادفة في نفس الوقت

((شكراً))

تقبل مروري واحترامي

اقتباس من مشاركة مرزوق العجوني (المشاركة 468698) صح لسانك ياخليف ولا هنت على الرائعه وتقبل مروري