الا و تـل قلبـي تلـت اللـي تلهـا الطـيـار=من المدرج رفعها لين صـارت كنهـا الكـورة
هجم فيها الشجاع اللـي تزهـل بتخـاذ الثـار=هذاك اللي يقولـون انـه ابـو كبـد ممـرورة
حمولتها قنابـل والهـدف قدمـه وقـود ونـار=وسريا جيش دوله في نظام الحـرب مشهـورة
قذايـف قاذفاتـه تنطلـق بالرسـم والاقمـار=إذا شذت قذيفـة عـن هدفهـا غيـر معـذورة
افكار افكار فعلاً نـادرة ماهـي بـأي افكـار=جنون ابداع فوق السطـح مسموعـة ومنظـورة
خرايط للمعادي واضحة فـي شاشـة الـرادار=وكتابٍ يشـرح الابعـاد والكسـرات بسطـورة
نتايجها اجتيـاح اديـار والتخريـب والدمـار=وخوف وجوع وصراخٍ حزين ونفس مقهـورة
بعد ما شفت بيتٍ بانت اسرارة مـن الاسـوار=معاد اسرار هـذا البيـت بالاسـوار مستـورة
وقفت بمدخلة وانا ما بيـن الحـزن والتذكـار=وصورة كل ما راحت تجي من بعدها صـورة
ذكرت الشايبين اللي لهم فـي خاطـري مقـدار=يوم اني شفت صالة مجلس الشيبـان مهجـورة
وذكرت اصغرنا اللي هذي الساعة ماهم بصغار=بوقتٍ فات وسط البيـت هـم وردة وديكـورة
الا يالله يـا منجـي نبيـة يـوم هـو بالغـار=وعلى صدرة منزل مائة واربع طعـش سـورة
وامرته يتجة صوب المدينـة ديـرة الانصـار=على الي يوم ناخـت قـال بامـر الله مامـورة
تنزل صاحبـي البيـت هـذا منـزل الابـرار=وعسى سيئاتهـم يـا والـي الاقـدار مغفـورة
عسى الشيخ الحبيب يصير بالجنـة لطـه جـار=وعسى ذيك العجوز بجنة الفـردوس مسـرورة
الا يا بيت وش عذري منك هذي هـي الاقـدار=تدور ادوار والانسان صعـب يوقـف الـدورة
لكن ارجوا السموحة واعتبرنـي زايـرٍ مـرار=يزور وكل مـا زارك زيـارة ضايـقٍ زورة
يحبك حب صادق وانت من طين وخشب وحجار=محبة صافية فـي كبـد كبـد الكبـد مسمـورة
الا يا راكب اللي مـا يهمـة نـازح المشـوار=اليا منه مشى يثلـج فـؤاد اللـي بـه حـرورة
يشوق خاطرك بالقار وان ميـل وكـب القـار=واذا نظرت شكلة وان سمعت لصوت ماطـورة
صناعة عبقري ما يفهمـون افكـارة الشطـار=عصارت فكر معصورة ومعصورة ومعصورة
لا يمكن انك تعذرب به من الشنكـار لشنكـار=ولا يمكن تحصل عيب سلك او عيب ماصـورة
بعد مـا صممـة اطلـق عليـه الاسـم VXR=وله شكرٍ جزيل وشركـة الـVXR مشكـورة
لحيث انه يدوج فـي مراتـع حسٌـك الاوبـار=يـدوج بكـل دار ولا عليـه دروب محظـورة
وانا والله ربيعي ونشراحـي شوفـت الاقفـار=ليا دوجت فيها وهـي قبـل اسبـوع ممطـورة
ورقيت النايفات الصبح والا العصر بالمنظـار=وشفت المنظر اللي فيـه عينـي دوم مسحـورة
الا يازين والله مجلـسٍ تذكـر بـه الامطـار=يسـاق البـن فيـه بدلـة والنـار مسـعـورة
على ربعن خيار بكل شئ وكـل وقـت خيـار=من ادناهم يدلون العرب لا شـار فـي شـورة

اقتباس من مشاركة محمد سلمان الوهيداني (المشاركة 466701) الا و تـل قلبـي تلـت اللـي تلهـا الطـيـار=من المدرج رفعها لين صـارت كنهـا الكـورة هجم فيها الشجاع اللـي تزهـل بتخـاذ الثـار=هذاك اللي يقولـون انـه ابـو كبـد ممـرورة حمولتها قنابـل والهـدف قدمـه وقـود ونـار=وسريا جيش دوله في نظام الحـرب مشهـورة قذايـف قاذفاتـه تنطلـق بالرسـم والاقمـار=إذا شذت قذيفـة عـن هدفهـا غيـر معـذورة افكار افكار فعلاً نـادرة ماهـي بـأي افكـار=جنون ابداع فوق السطـح مسموعـة ومنظـورة خرايط للمعادي واضحة فـي شاشـة الـرادار=وكتابٍ يشـرح الابعـاد والكسـرات بسطـورة نتايجها اجتيـاح اديـار والتخريـب والدمـار=وخوف وجوع وصراخٍ حزين ونفس مقهـورة بعد ما شفت بيتٍ بانت اسرارة مـن الاسـوار=معاد اسرار هـذا البيـت بالاسـوار مستـورة وقفت بمدخلة وانا ما بيـن الحـزن والتذكـار=وصورة كل ما راحت تجي من بعدها صـورة ذكرت الشايبين اللي لهم فـي خاطـري مقـدار=يوم اني شفت صالة مجلس الشيبـان مهجـورة وذكرت اصغرنا اللي هذي الساعة ماهم بصغار=بوقتٍ فات وسط البيـت هـم وردة وديكـورة الا يالله يـا منجـي نبيـة يـوم هـو بالغـار=وعلى صدرة منزل مائة واربع طعـش سـورة وامرته يتجة صوب المدينـة ديـرة الانصـار=على الي يوم ناخـت قـال بامـر الله مامـورة تنزل صاحبـي البيـت هـذا منـزل الابـرار=وعسى سيئاتهـم يـا والـي الاقـدار مغفـورة عسى الشيخ الحبيب يصير بالجنـة لطـه جـار=وعسى ذيك العجوز بجنة الفـردوس مسـرورة الا يا بيت وش عذري منك هذي هـي الاقـدار=تدور ادوار والانسان صعـب يوقـف الـدورة لكن ارجوا السموحة واعتبرنـي زايـرٍ مـرار=يزور وكل مـا زارك زيـارة ضايـقٍ زورة يحبك حب صادق وانت من طين وخشب وحجار=محبة صافية فـي كبـد كبـد الكبـد مسمـورة الا يا راكب اللي مـا يهمـة نـازح المشـوار=اليا منه مشى يثلـج فـؤاد اللـي بـه حـرورة يشوق خاطرك بالقار وان ميـل وكـب القـار=واذا نظرت شكلة وان سمعت لصوت ماطـورة صناعة عبقري ما يفهمـون افكـارة الشطـار=عصارت فكر معصورة ومعصورة ومعصورة لا يمكن انك تعذرب به من الشنكـار لشنكـار=ولا يمكن تحصل عيب سلك او عيب ماصـورة بعد مـا صممـة اطلـق عليـه الاسـم VXR=وله شكرٍ جزيل وشركـة الـVXR مشكـورة لحيث انه يدوج فـي مراتـع حسٌـك الاوبـار=يـدوج بكـل دار ولا عليـه دروب محظـورة وانا والله ربيعي ونشراحـي شوفـت الاقفـار=ليا دوجت فيها وهـي قبـل اسبـوع ممطـورة ورقيت النايفات الصبح والا العصر بالمنظـار=وشفت المنظر اللي فيـه عينـي دوم مسحـورة الا يازين والله مجلـسٍ تذكـر بـه الامطـار=يسـاق البـن فيـه بدلـة والنـار مسـعـورة على ربعن خيار بكل شئ وكـل وقـت خيـار=من ادناهم يدلون العرب لا شـار فـي شـورة مـحـمــد سـلـمــان الـوهـيـدانــي