حي الجواب اللي بداله رعـودي=مثل السحاب اللي مطرهـا تهلـه
من شاعر لاحب ماهو جحـودي=يذكر وصايف صاحب (ن) مايمله
ذكرتنـي ياعبيـد لا ياوجـودي=وجد اليتيم اللـي محـد فاطنلـه
امه وابـوه مفارقيـن الوجـودي=مالـه قرابـه والوهـم مستحلـه
على حبيبن ناوييـن بالصـدودي=خلا خفوقي كل جمـر(ن) يملـه
رعبوب وصلني لحـد اللحـودي=عين الوحش عينه وفرقـاه علـه
خطاه لامنه مشى فـي ركـودي=ولامن تبسـم كـل قلبـن يشلـه
ياعبيد مالك بالغلا لـو يـزودي=بعض ألغلا ما فيه مذهـب وملـه
ماني مجامل معك ولاني حسودي=وين الذي له صاحبـن صافيلـه
ولا عطه ما عطاك وارقى سنودي=مدامه اللي ماحصـل منـه زلـه
الحب يالمطنوخ صاد الأسـودي=الله خلق خلقـه علـى هالجبلـه
وان كان قلبك ودك انـه يعـودي=اترك طريقه وانت دربـك تدلـه