كل يوم ٍ وحنامن فلان الفلان=ابتلشنا بصح الناس وكذابهـا
اسمك معقدن نطلب لنا ترجمان=لغوتن ماتناسب ليه تشقابهـا

جيت من شرق فتنام آسيا واصفهان=كان الاعراب تكـذب مادرينابهـا
شيكاواقير يعرف ياعربي من زمان=عالم (ن) مايعض السيف بارقابهـا

ويش تطلب بداراهل الكرم والحسان=قافله روحتبـك قـول مـن جابهـا
انت مانت اعجمي انته فصيح السان=لهجتـن منتحلهـا سكـرو بابهـا

دار نفط وماشاء الله كل شيء(ن) جنان=لازم آخـذ سنـة وانــا آتمشابـهـا
لاتحسب العرب هم وحدهـم بالبيـان=عندنـا كـل كلمـه يوخـذ احسابهـا

نشكـر الله عطانا خير يامـودمـان=والحسد فرق الاصحاب وصحابهـا
انت جاسوس والجاسوس دايم مهان=ياحمـر الاذن داري مـا تمسابهـا

اكثر الناس مايصومون شهر رمضان=ونعمة النفط هذي غيـرك اولابهـا
ابك انا دبلماسي وادخـل البرلمـان=وافرز اصوات الامـه واتهقوابهـا

كل مسلم يصوم الا شبيه الحصان=والحياوين تفطر ماحدن عابهـا
مانعرفك وعلمك مالقيله ضمـان=دبلماسي يجوز انك من اذنابهـا

لو بعضكم يحصل فرصة الغدر خان=مثل ماخان غرناطـه نمـا غرابهـا
شيء خافي عليك واضح(ن)للعيـان=مير بعض الامور مسكر(ن) بابهـا

الخيانه طبوع اللي بحرف الشنان=ناس تعرف علومك لاتمهزابهـا
انت عندي قريب وتقل يم حلبان=باللغه نعرف الاصحاب وجنابهـا

شيكاواقيـر ماهـو شركـة البهبهـان=كلمة الـزور يبطـي وهـو ماجابهـا
العرب ملي الارض وشيكاوا في عمان=ماعـرف قبـة الصخـرة ومحرابهـا

شركة البهبهاني مانزلة بالطمـان=ناجحه والجموس يشوش ركابها
عارفك لو تراوغ من مكان امكان=لاعرفوك العرب لاتحرق اعصابها