تقهويتك ولـه ... لومـا تقهويتـك بصفـر دلال=تهيلتـك هواجيـس .. وقصائـد حـب منثـوره
اهيجن لك بطرقٍ غار من مسحوبه المـوال=حديت اغلى مغاتير الغـرام .. وجتـك منحـوره
تذكـرت الجديـل اللـي تمـوّج كنّـه الـشـلال=وخد ٍّ يجهر البـدر بسنـاه .. ويجـرح غـروره
وطهور الرمش يرسم له على الوجنه غطى وظلال=واذا سلهم يجرِّحه النعـاس وينقـض طهـوره
حبيبي ما بقى للشعر شـيٍ يوصـف وينقـال=ليا أختال الحور بعيون .. مفضوحـه ومستـوره
سحرني كلّ شيٍ فيك .. والسحـر أغلبـه قتـال=وتماديت وذنوب السحـر فـي القـرآن مذكـوره
حبيبي عاشقك معذور والله لـو يجيـه هبـال=اليا صار العشق شيـخٍ يسيـر العاشـق بشـوره
احبك ايه احبـك ياغنـى عمـري وراس المـال=لك بقلبـي بساتيـن ومشاتـل حـب ممطـوره
لطيفك من سموم القيض في عيـن الولـه مقيـال=واذا قصّرت يعذرني ترى كلـن وميسـوره
أهلّي بالجروح اللي غـدا صـدري لهـا مدهـال=واقلّطهـا بـروحٍ مـن رداة الـحـظ مـقـهوره
واداري حيرة العبرة واكابـر واقهـر العـذال=واذا طرّوك قدامي نخيت وقلت أخو نـوره
انـا والله لزومـات العـواذل والرجـال رجـال=وهل الأمثال قالوا يبخـص القنـاص بطيـوره
ماحد يقدر يعلّق فـي خيـوط العنكبـوت جبـال=ماحد يقـدر يهـدّ ديـار لـك بالقلـب معمـوره
يجونك ناس والدنيا معاك ريال تسـوى ريـال=واجيك ولا معـاي الاّ قصايـد حـب منثـوره

اقتباس من مشاركة خالد البغيلي (المشاركة 454328) يعطيك العافية

اقتباس من مشاركة زهو الايام (المشاركة 455482) يجونـك نــاس والدنـيـا مـعـاك ريــال تـسـوى ريــال واجـيــك ولا مـعــاي الاّ قـصـايــد حــــب مـنـثــوره صح السان الشاعر..... حجاج ,,,, تعجز الكلمات عن وصف ذوووقك الراقي لاتحرمنا ابداعك

اقتباس من مشاركة شيكاواقير (المشاركة 455497) شيكاواقيرردكلام هذاشعرحلو مره ابداع ابداع