بين ميلات الحمول الثقيلة والحنين=لأقدم أطلال الصباء بين كل الأمكنة
ما أجبرت فرقاء الأحبة بشائر قادمين=من..بلاد فارقه هاجره..غصبٍ عنه
شلت ما شالت كتوف الرجال الغانمين=ودست نار الشوق..سر العذاب..ومكمنه
عفت رجوىً سال أملها مع لعاب السنين=في فمٍ لا تسد جوعه ولا هي تسمنه
في غياهب عازفات على الوتر الحزين=يحرقن الجفن في دمعةٍ تطلع منه
لا طراء لي موقفٍ كل حين يصير حين=ماضيٍ حاضر معي في جميع الأزمنة
في نهار ما تمنيته ولا أبيه لين=شال أمانة صاحبي واحدٍ ما تمنه
يوم أحاسيسٍ تحامت تبى العلم اليقين=يعكس أبعاد التحامي قبل ما تحسنه
وغابت عقول وتناخت على المدة يدين=وأطرقت رؤوس وتهاوت على الساس أركنة
وإحتمى الموقف وطعن القفى وبان الدفين=وإشرهت كفٍ لسياتها مستحسنة
وصحت لعيون الهقاوي...يأبو عقلٍ رزين!=من فتن <ذات الحسن> خاشعٍ تستفتنه!
بس صح النوم يا غافلٍ مدري لا وين؟=تبي تمشي بك سنينك على شفة سنه!
من يديني ما لك ألا قسى...معهود لين=و لأنت شايف غير ما قالت إلك الألسنة.