البارحه عديت في ماكر الطير=رجمآ طويلآ والهبايب تلفه
بغيت من لف الهوى الراسه اطير=اثر الهوى من واق راسه تدفه
وانا سوات اللي على طية البير=حصاة مجلاسي على جال طفه
لولاي ماسك في يدي الشناضير=الطير ياخيران صفي وصفه
اثر المعدى غير والمستوى غير=قلبك اليا عديت يزتاد رفه
والعين مع رفه تزيده تفاكير=ماضيه منها وحاضره يستشفه
رجمآ رقيته في جنوب العثامير=مدهال طرشآ فوقها الوسم كفه
الوانها مابين شعل ومغاتير=وحليبها مثل العسل يوم اشفه
تسرح وتتليها قطيع المصاغير=بين المعدى والحلاه المشفه
وانا بمرقابي وأدير التفاكير=والعين تذرف دمعها ماتكفه
ماهو على شان النياق المصاغير=لاشك ياخيران بالقلب هفه
خضر الغصون وزغردات العصافير=على الغدير اللي هبوبه تسفه
اللي عليه العام ورد ومصادير=جهام طرش وضين واللي بضفه
محابل الشيطان مثل القوارير=العاشق الهاوي خطرهن يحفه
لاعرضن مثل البكار الاباكير=ارقابهن فيها ألتفاته ولفه
وعيونهن فيها سهوم المناعير=كم طوحن فارس وسيفه بكفه
وشلون حال اللي لافارس ولامير=شاعر وهاجوس القريحه يزفه
لاخزته بالعين بعض الغنادير=اللي نحرها شيلته ماتلفه
يحس في قلبه سوات المسامير=لويملك الشاعر كرامه وعفه

اقتباس من مشاركة السبع الضاري (المشاركة 439192) البارحه عديت فـي ماكـر الطيـر.....رجمـآ طويـلآ والهبايـب تلفـه .................................................. ............................. رجمآ رقيته في جنـوب العثاميـر....مدهال طرشآ فوقها الوسـم كفـه .................................................. ................................. خضر الغصون وزغردات العصافير.....على الغدير الـي هبوبـه تسفـه .................................................. ................................... لاعرضن مثـل البكـار الاباكيـر.....ارقابهـن فيهـا ألتفاتـه ولـفـه .................................................. ............................ لاخزته بالعيـن بعـض الغناديـر.....الـي نحرهـا شيلـتـه ماتلـفـه ابو صالح الشويلعي الشاعر المبدع لكن السؤال...................هل ابو صالح الشويلعي هو ابو اثنين او واحد ثاني؟ تقبل اعجابي

اقتباس من مشاركة ابوصالح الشويلعي (المشاركة 439179) السلام عليكم ورحمة الله وبركاته اخواني الاكارم اسعد الله مساكم وصباحكم بالمسرات اليكم هذه القصيده التي تعبرعن نفسها. البارحه عديت في ماكر الطير=رجمآ طويلآ والهبايب تلفه بغيت من لف الهوى الراسه اطير=اثر الهوى من واق راسه تدفه وانا سوات اللي على طية البير=حصاة مجلاسي على جال طفه لولاي ماسك في يدي الشناضير=الطير ياخيران صفي وصفه اثر المعدى غير والمستوى غير=قلبك اليا عديت يزتاد رفه والعين مع رفه تزيده تفاكير=ماضيه منها وحاضره يستشفه رجمآ رقيته في جنوب العثامير=مدهال طرشآ فوقها الوسم كفه الوانها مابين شعل ومغاتير=وحليبها مثل العسل يوم اشفه تسرح وتتليها قطيع المصاغير=بين المعدى والحلاه المشفه وانا بمرقابي وأدير التفاكير=والعين تذرف دمعها ماتكفه ماهو على شان النياق المصاغير=لاشك ياخيران بالقلب هفه خضر الغصون وزغردات العصافير=على الغدير اللي هبوبه تسفه اللي عليه العام ورد ومصادير=جهام طرش وضين واللي بضفه محابل الشيطان مثل القوارير=للعاشق الهاوي خطرهن يحفه لاعرضن مثل البكار الاباكير=ارقابهن فيها ألتفاته ولفه وعيونهن فيها سهوم المناعير=كم طوحن فارس وسيفه بكفه وشلون حال اللي لافارس ولامير=شاعر وهاجوس القريحه يزفه لاخزته بالعين بعض الغنادير=اللي نحرها شيلته ماتلفه يحس في قلبه سوات المسامير=لويملك الشاعر كرامه وعفه