قبيلة بني رشيد - محاورة القمه بحر الخليج × الجحش

بسم الله الرحمن الرحيم

محاورة ذات طابع خاص تميزت بأول محاورة تجمع الشاعرين جزليين وتميزت:-

بحضور جماهيري مشرف وشعراء رائعيين وتفاعل اكتمل بروعة

ابداع شعرائنا الرائعين

لقاء مميز جمع الشاعر بحر الخليج والشاعر الجحش

وعلما سوف يتم استدعاء (كهل الصباء) محلل الشبكه الرائع بأذن الله لتحليل المحاورة الرائعه

اترككم مع المحاورة بعد التنسيق ..//

بحر الخليج

سلام الله سلام(ن)وان سمعه المحترم جحشان=يهز اذنيه ويسكر فمه ويطير عيونه
بعد ربي جمعنا واجتمعنـا بساحـة الميـدان=انا بسل سيفي والجحش مدري وش افنونـه

الجحش

هلا يامرحبا فـي مرحبـا بسـم الله الرحمـن=علام الادمي وسط الغضاره طاحت اسنونه
تعوذ من بليسك وانتبه من نزغة الشيطـان=ترا الشيطان مايرحم ولا يضمن من الخونـه

بحر الخليج

تسمي من بدايتها لعله مادخلك اجنـان=ترى حنا بدار اسلام ماهي دار مسكونه
تعوذنا من ابليس الرجيم ونغمة الفنـان=ودايم ميزة السايق ليا روح على هونه

الجحش

اسمي وانحر الفاطـر بعيـد الفطـر للجيعـان=عساها صدقتٍ عـن جـدّي العمـده وغليونـه
على نغمات فنان العرب تسجع طيور إعمان=طيورٍ تعشق اوراق الشجر وتحـرك غصونـه

بحر الخليج

اليا منك لقيت الفاطر اذبحها وانا سرحـان=على طول السنين انته وجدك ماتصيدونـه
احسبك شايب(ن)لحيتك حمرا وترفع الاذان=اثرك اشهب عوارض ماتغير لو يحنونـه

الجحش

لقيتك تتبع الصقار راع الصقر ابو جنحان=لاعل الصقـر لابانـت لـه الصيـده يهدونـه
بعد زانت علومك كلّها خلّك وسيع بطاان=تحمّل عمك اللي مالـك ايـاّ عـم مندونـه

بحر الخليج

نشوفك داخل الديره ولاشفناك بالصمـان=متى يطلع سليم القلب قبل القوم يعدونـه
نبا نسير لاهل رابغ نبا نسير لاهل عسفان=لو اني عارف ان اللي سواتك مايدانونـه

الجحش

على سطح القمر نبني من الابراج والبنيان=لكنّ العالم اهـل الارض منّـا تطلـب العونـه
اهل رابغ وأهل عسفـان بـدو إوكلنـا بـدوان=لكـن زيــارة اوربــا الـعـرب حـلـوه ومزيـونـه

بحر الخليج

على الله ربك اللي عالم(ن)بالسر يالانسان=مخاليقه على سطح القمر والارض يرجونه
يقولون العرب واحلى بلد عند العرب لبنان=بلاد(ن)تهتويها الناس واسرائيـل ملعونـه

الجحش

الا يابحـر يابحـر السمـك والـلـول والمـرجـان=ترى لولى السمك مايفطر الصايم على تونه
انا مدري تبى صيـدا معـي ولا تبـى خيطـان=جنـوب الرابيـه مـعـاد فيـهـا نــاس مضمـونـه

بحر الخليج

نحسب النار ماتت لين شفنا فوقها دخـان=اثر يامطير فيكم طبع(ن)اقشر ماتخلونـه
بلد خيطان تدري مالنا فيها فرس وحصان=وجنوب الرابيه كل(ن)عليها يحدد اسنونه

الجحش

مطير امطيـر حمـران النواظـر كلهـم مطـران=واهــل ذودٍ كثـيـر وكــل عــدّ ٍ زيـــن يـردونــه
ترى وحده من الثنتين تكفي والجميع اخوان=شجـر ديـرّ البلـح مـعـروف زيتـونـه وليمـونـه

بحر الخليج

تدورها من الله والنعـم بمطيـر يافتـان=علشان العلاقه بالاسم في شكله ولونـه
تدور للسفر والناس ذا رابح وذا خسران=عرفت انك بدون ولاتجر الصوت بلحونه

الجحش

وردنا ورتوينا والكثير مـن العـرب عطشـان=لو اللي مادرى يدري غسل كفّه بصابونـه
نويت اشرّحك واحنّطك بالمسك والريحان=ولكن لو دفـت الوعـل يمكـن تطلـع قرونـه

بحر الخليج

تقوله والا انا بقول لا جايع ولاضميان=ولا زاحمت خلق الله على خبزه وصمونه
انا ماني بجثه هامـده ياحضـرة الدفـان=جبل راسي عزيز ودوم عز الراس بمتونه

الجحش

انا ماقلت جيعان ادري انك ياجمل شبعـان=من يقول الجمل جايع؟ وهو مليان حنحونه
ماضنـك جثـةٍ متحـركـه ياشـيـخ مهمـاكـان=علومك تالي الليل انحنت ماهـي بموزونـه

بحر الخليج

يابولطمه تعرف البابطين مـورد النيسـان=ولو ماجاب لك جيب(ن)سفاري ماتعرفونـه
من اطباع البحر مد وجزر ويداعب الغرقان=ومهما كان مد وجـزر لايمكـن تغرفونـه

الجحش

اعرف البابطين وجيبه اللي له ثلاث الوان=واعـرف انـه ليامـنـه تـحـرك عــد طبلـونـه
صحيـح ان البحرمد وجـزر وبداخلـه حيـتـان=يجي ويروح والحيتان فيه أ حياء ومجنونه

وصح اللسان الشعارين العملاقين( بحر الخليج والجحش )