ناصر:

يامرحبا ياهل الموتر عدد ما هل همال=باللي فوا من بعيد وشّرفوا للقادسية

ترى الليالي ياابن ردعان فيها صد وأقبال=والناس عوجان الالسن والعمل يعطي لديه


محمد:

وبك البقا يارفيق خابره ماهوب حيال=اللي يواجه ربوعه دوم في نفس جريه

عندي خبر من قديم الوقت ذا راحل ونزال=والطيب يجزى بطيب والعمل يجزي حليه


ناصر:

ترى المعاني لها والوقت مشكاي حلال=دورات الايام فاجت كل راعي طيب نيه

ضيعت لي بكرة العام فيها ردع وهلال=ياوي بكره فتاة وتوها حمرا ثنيه


محمد:

في كل وقت يجي في دولته حكام ورجال=تدور الايام والدنيا على ماهي مديه

ضيّعتها في شهر عاشور وأَلاّ دخول شوال=ترى السوالف عن اللي ما دري عنها خفيه


ناصر:

ضيعتها والعرب ما بين نزال ورحال=في شهر عاشور يوم ان العرب وسط الحنيه

ياوي بكره شراريه فتاة ما لها أَمثال=ما أَدري مع اللي جنوب أَو شمّلت حروه ابصيه


محمد:

حنا نوينا نروح بلازمك ياطيّب الفال=أَبا أَجتهد في لزومك يوم زان الوقت ليه

نبي نهوم الديار الخالية والعلم ينقال=أبا انشد اللي على الماء وانشد اللي بالخليه



ناصر:

اللي عليها الوسوم البينه ما هيب تنزال=عساك تحظى بها وتريح النفس الشقيه

يا محمد اتعب وطرش لي مع العرف مرسال=حيثك قوي على الشدات يا ذيب السريه



محمد:

يا ناصر الله يوفقنا على زينات الأعمال=حقك علي اجتهد ما بين ذيك وبين ذيه

ما كل رجل على الهمات يا ابن شريم حمال=ابا امشي القايله واسرى بظلما خرمسيه



ناصر:

من يوم راحت وأنا في خاطري هم ولوال=يا الله يا عاقل الذهات ترجعها عليه

ما هيب لا تنعطى ولا يدور فيها الابدال=لاشك راحة فوات الحرص غصب من يديه



محمد:

في لازم الصاحب الغالي تراني بتعب الحال=أبا اتعب الرجل يا ابن شريم في روحه وجيه

الصبح باكر نروح بلازمك في كل منوال=واقطع خوي على الماجوب ما ساعد خويه



ناصر:

يا قلبي اللي غدا ما بين شمات وعذال=ابطيت ماجا خبر والناس ذمتهم رديه

البكرة اللي غدت ما بين طماع وحيال=والناس هالوقت ذمتهم تراها عامريه



محمد:

ثلاثة أشهر وأنا ما بين جودال وهوذال=حفيت ذلولي ولا حصلت منك إلا الاذيه

أنا احسب انك رفيج صافي واثريك ختال=نيتك مع من قضى لازمك نيه درسعيه

مشكور على نقل هذي المحاوره الرائع

والله يعطيك العافيه

وتقبل سلامي