جبرك الوقت ترجعلي جبـرك وجيتنـي ندمـان=دمرّك الشوق ياخاين وجيـت تسابـق ظلالـك
عرفت الحب بغيابي؟ عرفت أنك معـي غلطـان؟=تأكـد مايشرفنـي طريـق ٍ دربـه وصـالـك
تبي أخضع لأجل عينك وأنا مخضع ومهما كـان=أقـص الـراس قدامـك ولاأخضـع لأمثالـك
لعبت بحسبة جروحي وكتبت أمن الحزن عنـوان=نسيت اللي يحبك موت (وصار الغيـر يحلالـك)
إذا غيري تبي قربه وصـرت فبحـره الغرقـان=نصيحه لايموت الحـب ومـن قلبـي هنيالـك
نسيت أنك تبيع الحب وتجزا الطيـب بالنكـران=لعلمك بانت الصـوره وبانـت نيـة أفعالـك
(تشب النار) في قلبي وتنسى أني معـك أنسـان=تخالط بالشقى (هيلك) وصب الهـم (فنجالـك)
بعد ماأنقلبت الدنيا تجينـي محتـرق!! ولهـان!!=تقول أرجوك سامحني وقلبـي بداخلـه شالـك
تبي قربي؟ أنا حاضر.. ولكن !! بطلبك من شان؟؟=تشوف شلون لي عزه تـرد الجـرح لأشكالـك
أبي تبكي على شاني .. أبي تصرخ مـن الحرمـان=لوأني بآآآخـر الدنيـا.. أبيـك تجـر موالـك
أبيك تصير مجنوني ومن شافـك يجـي شفقـان=يقول شلون؟ علمني؟ وشلي غيّـر أحوالـك؟؟
ترى (هتلر) بعد مجـده تخلـوا عنّـه (الألمـان)=وأنا من بعد حبي لـك تركتـك تقعـد لحالـك
تدل الدرب من دوني وقدمك سكـة الأحـزان=توكـل لاتنادينـي ويعيـن الله علـى حالـك
وأنا يكفيني ذليتك وحديتـك علـى الهجـران=تقول الموت من بعدك وأقـول هنـاك أشوالـك
غسلت إيديني من حبك وأبرحل وأهجرك يافلان=فمان الله وباقيلـك نصيحـه وخلهـا فبالـك
ترى من يضحك (الأول) مصيره باللعب خسران=وأنا من يضحك (الثاني) عشان أحطـم آمالـك