مهما تجافيني انا دوم لك وافي=ومهما تقص مايجي منك قصور
يا تاج قلبي انت حبي وميلافي=حبك جرى مجرى الدماء واصبح يدور
في كل اجزائي وحتى بسولافي=وطيفك بنون العين ماثل ومحفور
يا اعذب احساسي ويا حلمي الصافي=ويا ابهج افراحي ويا كل السرور
يا مشبعٍ نفسي ويا كيفي الكافي=مالي بغيرك شف يا بدر البدور
يالغز انا حلّه ويا سري الخافي=ياروح ظمن الروح والرب مشكور
اللي جمع ما بيننا يا اكمل اوصافي=مهما كتبت ابيات ما توفي اسطور
يا اغلا الغلا يااحلى الحلا كا مافي=دنياي انت مجمله وانت له نور
يا خامس فصول السنه فصلي الدافي=نسمه وغيمه يانهر حوله زهور
يا عالمي الاجمل وراحي ومصيافي=اشوف في عينك حضارات وقصور
ومن رمشها ظل ٍ على الخد يشتافي=والخد قطعه من صفا النور مفطور
والمبسم اللي فوقه الخشم مشرافي=في داخله كنز ٍمن اللول منثور
بقول كلمه يا جنا العمر وانصافي=يا اغلى من كنوز الذهب سيد الحور
لا يمكن يغيير غلاك اية خلافي=تبقى بقلبي قصر وضلوعي السور