علي الرشيدي وعبدالعزيز الحربي
 

[frame="1 50"]السلام عليكم ورحمة الله وبركاته
هذي اول مشاركه لي بهذا الصرح الشامخ اتمنى اني قد وفقت بإختيار مايحوز على رضاكم

إسناد من الشاعر/ علي هديبان القعبوبي الرشيدي إلى الشاعر/ عبدالعزيز المخلّفي الحربي

[poem="font="Simplified Arabic,5,black,bold,normal" bkcolor="white" bkimage="" border="none,4,gray" type=0 line=0 align=center use=ex num="0,black""]يابن سعد صار الخوي شي عادي = ان جيت تطمع فيه والا تغشّه
ماعاد يوجد للمخوّه منادي = يمكن خويك بالمهالك تطشّه
والا بعد يمكن تجيك البعادي = ان جازلك وضعه خطيرا" تهشّه
هذا زمانا" شفت فيه النكادي = يطير بومه والنداوي بعشّه
وان قلتلي وش مقصدي وش مرادي = قلت الك من جانا بعود ومرشّه
وانا احسب انه للمخوّه زنادي = واثره تعلّم في خويه وقشّه
وش رايك أقفي عنه واقول غادي = والزرع يقطع من نموه محشّه
حيثك فهيم بوضعنا باعتقادي = ومن يفهم الموضوع عادي يدشّه
واقبل سلامٍ فيه مسك وزبادي = اعداد مايمطر من المزن رشّه[/poem]

**رد الشاعر عبدالعزيز الحربي:
[poem="font="Simplified Arabic,5,black,bold,normal" bkcolor="white" bkimage="" border="none,4,gray" type=0 line=0 align=center use=ex num="0,black""]قال الذي يحكم جميع المبادي = ولياحكمها ماتجي مستغشّه
يامرحبا ترحيبتن من فؤادي = يجيلها مع وشة الريح وشّه
تلفي على اللي للرفاقه ينادي = يشكي عليهم من رفيقه وغشّه
لا يا(علي) جنيتها بالأيادي = تمشي وماتلقاه قدمك تلشّه
الرايه البيضاء غشاها سوادي = واللي يشيل شعيل عود يطشّه
هذا اعتقادك وان بغيت اعتقادي = تصبر يالين المزن ينكف رشّه
وتبين ظلماها لو النور بادي = تو الخبر مدفون والارض هشّه
اللي نقص ينقص وما زاد زادي = بكره وجيهٍ سود ووجيه بشّه
الحر مايمرح بعش الحنادي = وانته (علي) ماكل دربٍ تدشّه
اترك هزيل القول واخذ الوكادي = واللي يمشّي وضعك اليوم مشّه
ساير زمانك لا تصير إنحيادي = وان كان ماعشاك سرحان عشّه
وليا انحدر دربٍ ودربٍ سنادي = دوّر مع الدربين دربٍ تخشّه
وراع الدسم لازم يجيه انتقادي = قبل الدسم عن الشفايا يمشّه
والخاتمه اعداد ماسال وادي = واعداد ما الرحال يرحل بقشّه
صلّوا على محمد شفيع العبادي = اعداد وبل المزن نزله ونشّه [/poem]

وســــــــلامـــــــــتــــــــــكـــــــــــم
[/frame]

اولا حياك الله ياماجد الحربي
عند جيرانك وزملاك وهذه الساعه المباركه تواجدك بيننا
ثانيا بيض الله وجهك على نقل قصيدة على الرشيدي ومرد الشاعر عبد العزيز الحربي
وقبيلة حرب معروفه شعراءها ولهم منا كل الحترام واتقدير

ودمت بخير

تشرفت بمرورك الرائع اخوي راشد
لاهنت
يعطيك العافيه

الله يبارك بعمرك اخوي ناصر وانا بمحلي ماني غريب


لاهنت شرفتني بمرورك وردك الرائع
الله يعطيك العافيه

صح للسان الشاعر على الرشيدى والشاعر عبدالعزيز الحربى

قصيدتين يحملن الجزاله والقوه بالمعانى

تسلم عل ذوقك ونقلك الرائع يا ماجد الحربي

بنتظار جديدك

تحيااااتي لك

حياكم الله ياجيراننا ياحرب
وصح السان الشاعر علي الرشيدي والشاعر عبدالعزيز الحربي
وبيض الله وجهك يبن حرب على النقل الرائع
تحياتي

لاهنت اخوي عبداللطيف
شرفتني بمرورك

الله يبارك فيك اخوي الفتى الرشيدي
ووجهك ابيض
لاهنت عطرت صفحتي بمرورك الرائع