اهديت لك قلبي على كف يمناك=وارخصت لعيونك نفايس ثمنها
وقفت في وجه الزمن صف وياك=لجلك تحديت اليالي ولعنها
فرشت لك ورد الوفاء تحت ما طاك=سقت الغلا سوق الرياح لمزنها
عليت شانك يوم كل تناساك=دمحت زلاتك وقلبي احتضنها
ياكم وكم ضحيت لاجلك ولرضاك=واخفيت عنك اهموم نفسي وحزنها
وانت بلهوك دالة وسط دنياك=وغزير دمع العين حرق وجنها
طعتي غرورك ساع صوت وناداك=صحوة ضميرك حب ذاتك رهنها
لا واحسايف حب مثلي لشرواك=دام الجفاء والغدر روحك سكنها
يا خاينه روحي ترى العيد فرقاك=نفسك ضعيفه باينه من وهنها