{سمي الذيب}


ياراكب اللي جنطها يطوي البـــــــيد=طوي المكار اللي سريع رجـــــــــدها
لا سج سايقها وسهى مع الشواريد=وناجى فتاة لوحت له بـــــــيـــــــــدها
توه موادعها وشوقه لها يزيــــــــــــد=مثل الحنون اللي تحرى ولـــــــــــدها
شد إنتباهه مستمر الزغـــــــــــاريد=لأجراس سرعتها ترجاه:<زدهـــــــا>!
ولاترجمت دعسه لبنزينها:زيـــــد...=تجلي عماسه لأبذلت له جـــــــــهدها
من قبلة الزلفي قبل ليلة العــــــيد=بخمسة عشر ليلة وعشر بســـــددها
من خشم ضلع عمره ذاعر الصــــيد=شيخ تسماه الجبال وبـــــــــلــــــــدها
شيخ إلى منه هبى كل رعــــــــديد=يمناه حنت حد سيف عــــضــــــــدهـــا
دار....حماها كايد...لأهل الــكــــــيد=بذرى السديري خصمها ما ضـــهـــدها
من طلعة الغاط إستوت بالتماهــيد=وسواقها عن جورها مانـــــــشـــــدهــا
لو يتيامن..مشرق الشمس مايحيد=عن خطها اللي تبترم به جــــــددهـــــا
يقودها اللي مايخاف المناقـــــــــيد=وإن ضاق؟ نفسه قرب ربه وجــــدهـــا
سمى بإسم ربه وجاهر بتوحــــــيد=والنافلة قبل مايمشي ســــــــجـــدهـا
يسابق الشوق...ويسوق التواجيد=على رجال بالمــــكـــارم وجـــــــدهـــــا
أصفى من الصافي عيال الأجاوـيد=ورفيقهم نفسه تـــفــــارق نكـــــدهــــا
أهل الرياض مدورين التماجـــــــيد=وردوا لها مع كــــل فـــــوج وردهـــــــــــا
وحطوا على روضة قديم المواريــد=دار السعود اللي روت من وردهـــــــــــا
ما أستعمروها المشركين الملاحيد=شامت لأخو نورة وصافح لـــــيـــــدهــا
ولا أحد يلوم اللي بسكانها يشــــيد=لو قال خوة مثلهم مـــــاوجـــــدهـــــــا
وإلى وصل دار لفاها من بعـــــــــيد=بتل على بيوت النشــــامــــا وعـــمدها
ولفى كريم شوفت الضيف له عــيد=داره ماأحد من ربعه ألا شــــهـــدهـــــا
مجلس سمي الذيب نزه المقاصيد=ورثه من الوافي خصال حمـــــدهـــــــا
تلقى على ناره ملايا البغـــــــــاديد=تلقى بها...أهل الكيف مذهب جــهدها
مهيلات وكيفهن فيه تـــــــــــــزويد=لو شف منها حنيف مايـــنـــتــقـــــدهــا
أبو ذياب إلى لفوه الموافـــــــــــــيد=بشاشته كلن بوجــــهه وجـــــدهــــــــا
يفداه من كشر بوجه المــــــــراويد=اللي لشاف الناس يخشى حــــسـدها
ولا أغط ذكر معربين المناجــــــــيد=خطو النشاما الطيب ذروة ســــعــــدها
<لكن لأبن فايد جموع ومفــــــاريد=أحد درى عنها وأحد ماأعـــــتـــقـــدها>
ومن قبل ياسرحان تسمع مناشيد=النفس باحت لك ولا أحد نــــشــــدهــا
من ليلة لو إن قلبي كما الحـــــــيد=يذوب من طعنه حليف جـــــحــــدهــــا
تعرض على شاشة خيالي تراجيد=عذابها من أسبابـــهــا أمــــر وأدهــــى
من عضة إبهامي لا عض الأناجــيد=أحاول أستر كـــف الــله قـــــردهـــــــا
أمنتها بالله وخانت وهي إيـــــــــــد=وش لون عاد اللي يشــــكـــل مددها؟
غرتني اللي تدعي للمـــــــــناجيد=والغدر جاء منها بديل لنــــجــــــدهـــــا
وعجزت مكافحة الوهن..تظفر بقيد=لمكابر اللي شيمته مافـــــقـــــدهـــا
والليلة اللي كنها....ليلة الــعــيــــد=فرحة....وكدرها حليف هــــجــــــدها
وخذ يا سمي الذيب قبل المناشـيد=مؤجز حزن ليلة....تبين ســـهـــدهـــا.

يوسف بن شلاح الرشيدي
الثلاثاء
1428/09/06
2007/09/18