الذيب لا من حل بالديـرة عـدا=والديره ليـا حـل فيهـا شلهـا
يبي العشا بالدار مايحـب الغـدا=لو أن بعض الـدار منـه ذلهـا
والرجل لامنه مشا مشيـه جـدا=والدغمـره واللفلفـه يزلـهـا
وأنتا وأناء كلٍ على العـد يحـدا=والناس تعرف دقها مـن جلهـا
ومن حولنا من حولنا سمع النـدا=اللي نزل واللـي بعالـي تلهـا
بس استريح وخل في صدرك مدا=واستنبط الأمثـال مـن محلهـا
واعرف ترى مامن الردي إلاالردا=لو طاب يوم اليوم الآخـر علهـا
وإلا ترى الطيّـب ليامنـه بـدا=لازمك فز وخوتـه مـا تملهـا
لا طالت الفرجة وطال به المـدا=قـام يتجـدد بالليالـي كلهـا
وراعي المثل في كلمته ولها صـدا=يقول فـلأرض العريضـة فلهـا
شبرٍ مـن البيـدا كيـادٍ للعـدا=واللي عقد روس الحبـال يحلهـا
والدرب صعب وفيه حدرى وسندا=ولا كل شجرة تهتني فـي ضلهـا
وأبا أسألك وأعرف سؤالي من بدا=كـل الديـار تشوفهـا وتدلهـا
ياسيد الأعراب وش موقـع هـدا=لوهي تحتها خـط وش تعملهـا