هذه قصيده اهديها لكم واتمنى ان تنال على اعجابكم





ياصاحبي في غيبتك مانته بداري ويش صار
اصبح خيالي والحقيقه شي واحد ياالنظير
اتخيلك بالليل واحلاميبك بعز النهار
وتضيق بي دنياي من فرقاك مع حزة عصير
وادعت هالدنيا بعد وادعتك بوسط المطار
من يوم طارت رحلتك والقلب بالرحله يطير
وانهارت اعصابي وصرت اعيش في وضع انهيار
وصار الذي ماكنت متوقع بها الدنيا يصير
غيبتك ماظنيتها مير الزمن يازين دار
وعرفت بان البعد ياقشره وانا توي صغير
ماكني الا من تعمد في حشاه يشب نار
يشب ناره في حشاه ولايعرف ويش المصير
ارجع ترى ماعادلي بالصبر يازين اقتدار
ارحم من يفكربك وسبتك مايرقد سهير
وارجع تراني صرت ماعرف الغدير من البحار
سبة غيابك صرت ماعرف البحار من الغدير
وارجع تراني صرت ماعرف اليمين من اليسار
واقول انا في غيبتك طيب وانا ماني بخير
والحين قمت اضيّع اسمي والحقيقه باختصار
اقول انا مااحمل اسم وانا(مشاري بن عمير)
هذا الذي في غيبتك ياصاحبي من جد صار
وانا من اول ماتوقعت ان هذا اللي يصير
وسلامتكم

وتقبلوا تحيات محبكم/مشاري سرهيد القلادي

23232bani-3abs




http://www.3abs.com/vb/uaedesert/buttons/report.gif