جتني تخبرني بموعد سفرها = وقلت الله اكبر يازمان العجايب
واهدت علي خصلت(ن) من شعرها = تقول ذكرانا معاك الذوايب
وقلت اه من هم بروحي حشرها = وشلون ابصبر عنك يااغلى الحبايب
يالي عيوني منك تشكي سهرها = لاتطري الفرقا تحل المصايب
ياابو خدود (ن) تسحر الي نظرها = سلمتلك روحي بلياء طلايب
روح(ن) دمرها حبك الي سحرها = وسلمتلك قلب(ن) من الحب ذايب
وحلفتلك بالله منشئ مطرها = منساك لين تحط فوقي نصايب
مادام روحي لك وليي ومرها = وحبك فضحني بين جاهل وبين شايب
الناس قالوا حالتك وش دمرها = وكل نشدني من بعيد وقرايب
قلت البلاء سود الليالي وقدرها = راحت بخلي واحرقت بي لهايب
راحت ولا احد جاب لي خبرها = واحسرتي كان الرجاء صار خايب
لكن بسيطة كان مااحد(ن) ذكرها = والله لو دمي على الجوف رايب
لزورها لو هي بعيد(ن) ديرها = لأن الصبر ياناس ماهو بثايب
وان مت مت وكان ربي سترها = ياجيت مخطئ عاد ياجيت صايب