قبيلة بني رشيد - الشاعر/ تركي بن حميد

تلعب طرب وأنا إبنومي هواجيس
ماسامرك باليل كثر الهمومي
أسهر اليا نامت عيون الهداريس
باليل أساهر ساهرات النجومي
أونس بقلبي مثل صلو المحاميس
الله يلوم الي لحالي يلومي
أشوف عدلات الليالي معابيس
ولاحد من الدنيا عظامه سلومي
تضحك وتخفي لك خفي الهناديس
تفطر لنا يوم ويوم تصومي
إعمل وتلقا وأفهم العلم بالقيس
دنياك لو زانت تراها نقومي
قالو جهلت وقلت جهلا بلا قيس
الجاهل الي ما يعرف اليمومي
من لا يدوس الراي من قبل ماديس
عليه داسو العيال القرومي
ومن لايقلط شقرة السيف والكيس
تبدي عليه من اليالي تلومي
ومن لاخذا الدنيا بمييز وتقييس
مثل الذي يسبح ببحر يعومي
البني مايصلح على غير تأسيس
ومن لاتعلم ماتسر العلومي
والا توافقك مشورالسوء وبليس
في بر منهو عز ربي يدومي
تل القلم من كتبنا بالقراطيس
وإركابنا من كثر الإدلاج تومي
ولاخير في كثر الحكي والتماريس
قول بلا فعل يجيبه وهومي
والعز فوق معسكرات السواديس
إليا قصدت باالإشيا رحومي
قبن تنازى بالنشاما كراديس
والطير في روجاتهن يحومي
باليل إصالي حاميات المحاميس
والصبح أصالي كلك قبن قحومي
أربع سنين ودمع عيني يماريس
والعين تسهر كن فيها هزومي
إليا ركبت معالجات المضاريس
يبرق على كبدي لهيب السمومي
صوابنا بالحيل عمق إليا قيس
وطريحنا في مثبره مايقومي
إن جانبنامثل النعاما لاماريس
لاخف عجل مع رقاق الحزومي
إستلحق الي يطلوب النواميس
إلي من القصين وأدنا الحومي
عرج بها لهن كنهن القرانيس
على الطريح مصوبرات كضومي
ولومي على الي ينقلون الدبابيس
وأهل الفرنج وكل رامن لحومي
وشلفن تركب بالعروق المناسيس
وقحص المهار وكل قبن قحومي
واليا إختلط عج الملابيس وإبليس
والمسعد إلي حظ ربعه يقومي
والشيخ من يعطا الفقار المفاريس
عساه باالدنيا بعز يدومي
حر إليا دبت عليه النواميس
يشهر وعن درب المذله يشومي

والمعذره أن كان فيه أخطاء