قبيلة بني رشيد - باجد عبدالرحمن ويوسف بن شلاح

[نشوة الثملة ويامقيط دونك رشاك]

{نشوة الثملة}

أنت يالشاعر اللي كل ماأسمع نباك
أنتشي نشوة الثملة وأفك البكيت
أسعد الله مسائك..أسعد الله مساك
وأسعد الله مساء شعر الهجاء بيت بيت
صابني ليلة البارح مريد سواك
كنه يقسم الأوتار لا من حديت
حد بأسي عليك..وحد شوفي سماك
بنظرة تهتك ستار الدجى لاسريت
لو قريت الطلاسم قبل ما أقرأ دعاك
ما عليكم قريت لما عليكم قريت
بسم رب تسبح له وجيه شبهاك
لاتعالوا عليه ولا عليه إعتليت
رافع السبع خافض سبع عالم خفاك
مجري الدم بأعضائك ولو مادريت
بسم ربي على قلبك وربي علاك
كل مازاغ قلبك بعد مأنت إهتديت
وكل ما أمزج بشمبانيتك فودكاك
معك يعقل مسيحي يجن إن قريت
ولاقريت الكلام اللي تخطه يداك
أتعلم منك:مأعلمك.....لاصحيت
ياربيع يسر العين خضرة وطاك
لو فرح من يجيك أنا لخضارك ما جيت
جنتك فانية ويديك شحت بماك
كم لي أرجيك حتى من رجاك إنتهيت
مثل ماإسمك سقط عمدا وقلبي نساك
مثل ما كنت أول كاتبه مانشيت
أطلبك تعتق من العقدة لسان فاك
وأوعدك جنة النسيان لوما نسيت.

يوسف بن شلاح

§§§§§§§§§

{يا مقيط دونك رشاك}

جيت أبرد شعر وثم منك أستحيت
عل وجه الحياء وجهك وعلي فداك
كنك الغيث وأنا من مطرك أرتويت
رحت عني هناك ورحت يمك هناك
أنت يومي فديتك شفني من إفتديت
غير ذاك الذي يعلن مبادئ هذاك
شعر والشعر فيض أبي أشغله لافضيت
قلت للشعر لاتنفض بريشك هواك
قال أنا نهر أغسل أسواء الثرى لاجريت
قلت لله درك لين تلقى جزاك
يحتويني مداك وهمت معك وسليت
لا نزل مستواي ولا أرتفع مستواك
أعتلي ويتسامى الشعر حتى استويت
فوق سطح من المريخ واسبل وحاك
من قميص المعاني مالبست وكسيت
الحفتني اردونك مالفحني أرداك
يطلع لخنجرك من حدة البأس صيت
كيف تشبك رموز بدون فض إشتباك
الهجاء شعر وحروف الهجاء مأبتديت
ليتني قلت لك يامقيط دونك رشاك
كل ماقمت أنادي من على الشعر جيت
ماتطوع يجيب الذكر عني سواك
مير عقب العشاء يوم انت قمت وسريت
كيف حالك يابن سالم وحال أخوياك
لاتحكم ولد شريا وتلعب سبيت
كيف عندي منه ميه وتفرش سراك
أعتبرها عليك مسجله كمبليت
لاندور زعلك ولاندور أرضاك.

باجد عبدالرحمن