معاناة مريض
 

السلام عليكم ورحمة الله وبركاته
بسم الله الرحمن الرحيم


ذهبت للحايط وصوبه تعنيت ** ابي العلاج ولاحصل لي علاجي
جيت الطبيب وساع كوعت ونيت ** وشبك مصخن قال مالي خراجي
ترا الدواء قاضي ولاعنك خضيت** هذا الصحيح وصاحب الصدق ناجي
شكيت من قول الطبيب وتحريت ** وادرجت صوب الصيدليه مراجي
وقفت عند الصيدليه وراعيت **** ووجدتها تشبه لخن لدجاجي
وذهبت انا صوب المدير وتعديت ** نويت اقدم للمديراحتجاجي
ارفع خطابك قال رفعت وازريت ** ليتك محلي يارفيع الحجاجي
ياما رفعت من المطالب وكزريت ** ولاضنتي يالقرم فيه انفراجي
ايست من وصفة علاجي ووليت ** وكم من مريض داج مثلي ولاجي
رجعت صوب البيت حيث استقريت ** حتى العصر والهم بالصدر لاجي
والعصريه صحي الروض سجيت ** امشي وانا لنهايه الوضع راجي
واجهت وحده وجهها وجه عفريت **الابياضه كنها عضم عاجي
وشبك مصخن ليتك اليوم ماجيت ** مشكل تفضل لاتخرب مزاجي
لابه طيب ولاممرض ولاكيت ****** الااسعاف واقف بالكـــراجي
طمرت انا في طارت الجيب واوميت ** حتى اختلط صفق الحصي والعجابي
زعلان ومصخن وتعبان واميت **ونويت للفيضه نهاية مداجي
جيت الطبيب وكل مااكنه ابديت ** رفعت صوتي مايفيد التناجي
عطني علاج ازكام وشبك تطريت ** قال الوضع هذا يزيد انحراجي
كل العلاج اللي تبي منه غريت***** والصيدليه دايماا بحتياجي
نعطيتك من تال البقايا الحتاحيت ** ولامرعادي لاتعده مفاجي
نضرت صوب الصيدليه صديت *** مافيه غير ادروجهاا والزجاجي
انهيت مشواري وعودت للبيت ** ورجعت لعلاج قديم الرواجي
اشرب صبر وزيد مره وحلتبت ** واصبر على مر الشراب الهماجي
ماغير اعاطس كل مااصبحت وامسيت ** كني ونيت وخارب به البواجي
باسئلك انا من على الامروليت *** هوالمسئول عن ها الحراجي
مادام هذا وضعنا لو تبريت ** وشلون نفحص طالبين الزواجي

الله يشفيه


ومايشوف شر


ماغير اعاطس كل مااصبحت وامسيت ** كني ونيت وخارب به البواجي

هههههههههههه

الله يستر عليه

وصح السانه وبيض الله وجهه

على القصيده الرااائعه


ومشكور عبدالاله

الله يشفيه .. لاحول ولاقوة الا بالله ..

سلمت ع النقل الرائع ..

وصح لسان شاعرها..

لاهنت .. تحياتي ..

صح لساااان قايلها ولا هنت على نقلها لنا