انا البارح عرفت اني على سطح القمر محسـوب=بعد ما شفت شرهات الحسود اللي قصـر شبـره
على مد النضر يبقى طريقي الرجال سلوب=تربـع بالحيـاه ومرجـع الجثمـان فـي قبـره
لبست البشت الابيض واعتليت ومنبري منصـوب=وطيت الجمر واحرقت الضمير اللي نفـذ صبـره
على هونك ترفق مـا يغثـرب فالبحـر دغلـوب=قبل تفتح عليك اشهود شعراً مـا نشـف حبـره
انا اعرف فيك منك اكثر ولا هو بالحياه اغـروب=طبيعي مثل شخصـك يجهـل الواقـع ويستبـره
عسا ما هي سبب سيه عسا ما هي علي اذنـوب=يا ربي ما تحت بطشك ظعيـف ولا معـه عبـره
توشحت البياض اللي جعل سود القلـوب اتـذوب=اليا منـك بغيـت الرجـل يبـرز فينـي اختبـره
على كتفي قلوب وتحت رجليني وطيـت اقلـوب=كحلت المر بعيون الحسـود وبـا اللسـان ابـره
مكانك في مكانك قبل عشر اسنيـن يـوم الثـوب=المه في ردون البشت الابيـض وستـوي كبـره
اتـدور للخـزا بالكـذب درب ولا لقـيـت دروب=تدبـر تحـت ديبـور الامـور ولا معـك دبـره
شموخي من شموخ اللي على الفكر اسمهم مكتوب=توسد نار حقـدك تحـت خـدك وابلـع الصبـره

اقتباس من مشاركة عادل بن هون (المشاركة 332445) مايحتاج ابوسامي روعه

اقتباس من مشاركة راشد رباح (المشاركة 332491) مكانك في مكانك قبل عشر اسنيـن يـوم الثـوب المه في ردون البشت الابيـض وستـوي كبـره اتـدور للخـزا بالكـذب درب ولا لقـيـت دروب تدبـر تحـت ديبـور الامـور ولا معـك دبـره شموخي من شموخ اللي على الفكر اسمهم مكتوب توسد نار حقـدك تحـت خـدك وابلـع الصبـره صح لسان الشاعر سهل نافع وتسلم على نقلك تحياتى