عسى ما شر
 

[POEM="font="MS Dialog,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]ياالله تعوّد لاهل الخير بالخير=لطفك وعفوك يامغيث العبادي
غديت في هالمنتدى كني الطير=احوم واطلع ماتحلاّ المنادي
ماشوف ورد ولا على الماء مظاهير=عقب البروق وعقب هب البرادي [/POEM]

مافيه الا الخير انشاءالله والحمدلله على السلامه
[POEM="font="Simplified Arabic,5,tomato,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله تعود للبدو بالمخاضير=عقب المحول وعقب شهب الحمادي
ودامك رجعت اليوم عقب المشاوير=يامرحبا ترحيب ماهو بعادي
في عودتك تعود كل التباشير=واهل البلاد يعاودون البلادي[/POEM]

يا مرحبا يا عبدالباري ومسهلا صح اللسااانك أنت وبحر الخليج
وعلى ماااقااال أخوووي سعد تاالفلااااح
وقت برد و نااااس تدور الدفىء و أمتحاااناااات بعد لا تنسى

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] استلم الله يسلم هالقبال
عطوان اشوفه قام يرسل مداوير = لسيف واللي ساكنن بالحمادي
ضاقة على الفارس وساع المعابير=يبغا ليال ٍ كلبوها هجادي
اصبر سبوع تشوف كل الجماهير= الحضر واللي ساكنن بالبوادي
وما السبب يابن الرجال المشاهر=برد وبداية عطلتن ذا وكادي
بردن غضب كسر حديد المواصير= والحي من حيوان كنه جمادي
والقطر كن من المزون المزابير= وضعن خطير الوضع ماهو بعادي
والله يستربعد هذا وش يصير= العلم عند اللي عليه اعتمادي
وسلم ولك عندي معزه وتقدير= لو كنت ببلادن وانا في بلادي[/POEM]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]حي الله اللي فيه للمنتدى خير=رجال لكن ماهو رجال عادي
شاعر وحسبه من كبار الشواعير=يقدح بشعره مثل قدح الزنادي
والماء عليه الناس ورد ومصادير=من كثرهم مثل التهام الجرادي
ياللي لكم بالقلب حشمه وتقدير=عبرت لك عما يكنه فؤادي[/POEM]