أشفق على شوفتك يا أريش العين = و أفرح ليا طريت طواريك ساعة
غرقان بديون الغلا و ما حلا الدين = لا صرت دياني أبغرق بقاعه
دينتني قلبك من أكثر من سنين = ولا تحلم اني لك برد الوداعه
يا ما حلا السلفه بسوق المحبين = سوق(ن) يباع العشق فيه بياعه
فيه بيع وشرا وتسليف وتديين = وصوت الشريطي يطربك استماعه
و غلا السعر يسخن السوق تسخين = ويشعلله لاجاك ضرب البضاعه
هذا قطاع العشق وهذي القوانين = وكل آدمي يفهم بسوقه وقطاعه
حبيت أبين لك الوضع تبيين = وانت آمر وبقول سمع(ن) وطاعه