جيتك رضا جيتك غضب جيتك بعد نورٍ ونار=جيتك وكلٌي شعلةٍ مدري غلا وإلازعل
جيتك على وضح النقا بالعز في وضح النهار=جيتك جريح من الزمن جرحي قديم ولأندمل
جيتك من الماضي ووجهي مشلٌهب من الغبار=أنا ابدوي عزمي قوي كلٌي صبر مهما حصل
جيتك من أرضٍ قاحله صلدى ولافيها خضار=أبغا ربيع العمر عندك ديرتي صارت محل
جيتك بعد هم وقهر ريقي نشف والدٌم فار=ياشمس ليلي بيننا خل المودة تتصل
جيتك وأنا حاف القدم ياحب رجلي للمسار=يسوقني طبع الوفاءوالحب جيتك بالعجل
جيتك ذليل من الهوى في خاطرٍ فيه إنكسار=أمدلك كف الأمل لمصافحك عندي أمل
جيتك بدافع حبنا ملٌيت طول الأنتظار=يدفعني الحب الكبير أنت الأمل وأنت الأهل
جيتك رغم كل الظروف القاسية فك الحصار=خل السعادة من رماد الحب تبدا تشتعل
لأجلك تجاوزت الحواجز والموانع والبحار=أسابق طيور الهوى والجسم من حبك نحل
أجتاحني برد وهجير أجتاحني موج وإعصار=رغم المسافة مانحنى ظهري ولا ونست الملل
وصلت لك بعد العذاب اليوم يوم الأختبار=نفسي تروم المعتلي نجم الجدي وإلازُحل
الفوز بأغلى جوهره يوم الفرح والأنتصار=ما يعتلي سطح القمر إلاالبطل أبن البطل
أنا لها مارجع لو أن الروح راحت في دمار=أما حياة بعزتي وإلا حبيبٍ منقتل