تكفون ثم تكفون ماعاد بالدعوى اجـدال=رسالة منـي لكـم واسمعـوا عنوانهـا
ابا انتخي ثم انتخي نخوة على طول الليال=شاعر وابا انخى كل خلق(ن) تلد اعيانها
الأم ثم الأم اقولهـا فـي صـوت عـال=الله ثـم الله باللـي تحتـهـا اجنانـهـا
احسن لها بدنياك حتى على ارضاها تنال=اسع بحيـاة ترضـي الله فـي ميزانهـا
اذكر زمانك يومك اصغير بيديهـا تشـال=واذكر لنومك ولجلوسك بوسط احضانهـا
واذكر ليال المدرسة والتعب في كل حـال=واذكر سهرها يوم تمرض وزود احزانها
ذكر عنايتها العظيمة ليا حـان المجـال=لأمك تفطن في حياتـك وعظـم شأنهـا
من اجلها ارخص كل دنياك لاتغلي اريال=حسانك الها خير دنيا(ن) كسبت احسانها
مهما حصل هذي هي الآم لاتقصر احبال=من عاق لامة ماهو بخير في عصيانهـا