قبيلة بني رشيد - ابعلن التوبـه عـن الحـب وانسـاه

[frame="11 70"]هـذا القصـيـده موجـهـه لشـاعـر الجـزيـره عـلـي القحطـانـي
ابعلن التوبـه عـن الحـب وانسـاه
وانسـى غـرام ايامنـا الماضياتـي
وانسى غرام اللـي اذا حـل ذكـراه
زوّد عنـى قلبـي ودمـر حيـاتـي
لا يابوناصـر بتـركـه واتنـاسـاه
واسقيه كـأس المـر قبـل اللماتـي
اجرعـه كـأسٍ مـن المـر ذقنـاه
وذكـره لوطـال وقـت السكـاتـي
وان كـان يتحـدى فنـا باتـحـداه
انسـاه وادور لعـمـري نجـاتـي
والله لعز القلب عـن دربـه انهـاه
واذكــره بفـعـال راع العبـاتـي
واعلمـه بحبنـا مــا غصبـنـاه
ولا عطيتـه فـا الهـوى معرياتـي
الله كشـف فعلـه وغـدره وشفنـاه
وطلـب مـن الله للفـؤاد الثبـاتـي
لايابوناصـر كـان لاحـل طـريـاه
اتعب وانا اهوجس ولو في صلاتـي
ابكي وهـل الدمـع واقـول ويـلاه
متى يجي المجـول يجمـع شتاتـي
واقوم واخذ دفتـر الشعـر واقـراه
اقلـب اوراقـي عـلـى ذكريـاتـي
مـع وليـفٍ مـوت قلبـي بشفايـاه
معه قضيت العمر واحلـى امسياتـي
حبه سكن قلبي مـن اقصـاه لدنـاه
شفت الشقا وعيني حربهـا المباتـي
قالوا تناسـه قلـت اناكيـف بنسـاه
غاية مرامـي وراس مالـي غناتـي
ماقد عصيتـه لا ولا اقـدر اعصـاه
حرمـت لجلـه للعـذارى التفـاتـي
لا يابوناصـر تـاه قلبـي برجـواه
اول وانـا لجلـه تهـل عبـراتـي
اشوفه اغلى انسان ولا احسب خطاياه
واشوفه المجمـول زيـن الصفاتـي
في كل يوم اسعـد بشوفـه ولقيـاه
ولا ارتاح لين حبيـب القلـب ياتـي
ما قد جفيتـه يـوم والقلـب يهـواه
طاوع كلام اهل الحسـد والوشاتـي
حلفت لانسى اسمه ومن دفتري امحاه
وكتب بدمي لكـل عاشـق وصاتـي
لا لا يصـدق كـل مـن مـد يمنـاه
شفـت القهـر بيامنـا المقفيـاتـي
ضيّعت عمري والهوى اليوم عفنـاه
متى وليـف الـروح يعلـن براتـي

وكان رد الشاعر علي القحطاني في تاريخ 10/7/1427هـعلى النحو اتالي

حياالله اللـي رتـب البيـت واهـداه
اللي شكى من حـب سيـد البناتـي
قريـت مضمونـه وفسـرت معنـاه
النـاس ترقـد والفتـى مـا يباتـي
يااحمد لذيذ الحب وان طـاب مجنـاه
لوكان صافـي مثـل نهـر الفراتـي
لابـد يأتـي يـوم يالقـرم تشـنـاه
لاذقـت مـر جروحـه المهلكـاتـي
الحـب نشـوه يالسنافـي عرفنـاه
فيـه اللعـب والطيـش والمغرياتـي
حلوه ومـره ياحمـد الغبـن ذقنـاه
قبلـي وقبلـك سـم حـال الزناتـي
الحـب مايصفـى علـى ماتمـنـاه
مـجـرب سنيـنـه الماضـايـتـي
والقلب لـو نسمـع كلامـه وطعنـاه
روح بنـا فـي بحـوره العاتيـاتـي
من ريحه ربي عن الحـب واغنـاه
ارتاح من طـول التعـب والشتاتـي
ومن باعنا يانسـل الاجـواد بعنـاه
نصيحـتـي لاتتـبـع المقفيـاتـي
مـن لابـوده عشرتـك لاتـرجـاه
تحـده الدنـيـا ويـنـدم ويـاتـي
وان راح روحـة واحـدٍ قـد دفنـاه
غيـره كثيروكـل مـافـات مـاتـي
حب البني في الوقت الاول درسنـاه
يـوم العـذارى يافتـى نـادراتـي
واليـوم جوالـك بالارقـام تـمـلاه
واختـار يالطيـب مـن الطيبـاتـي
ومن باع عمـره للمزاييـن وافنـاه
مايستعيـد اسنيـنـه الضايعـاتـي
يابن الكثيري ربحنـا اللـي ربحنـاه
حنـا تركنـا دروبــه المايـلاتـي
ترى الهوى والحـب لوطـال مبنـاه
لازم تطيـح قصـوره الشامخـاتـي
مابالغـرام الا التـعـب والمعـانـاه
احـلام لـيـلٍ كلـهـا غاديـاتـي
نمشي طريقه والهدف مـا وصلنـاه
مـا ينلحـق لوكـان بالطايـراتـي
عهـد الجهالـه ظرنـا لومدحـنـاه
عــزالله انــه درب للموبقـاتـي
مثلـك تعذبنـا ومثـلـك مشيـنـاه
لسـع رسومـه بالحشـاء باقياتـي [/frame]