هنا يكون المجد بالصوت والهمس=واسم الرشيدي دايم الدوم موجود
مدهل رجال وريحة البن والحمس=كرام النفوس من السخى تجود وتسود
الي الأمام ومالهم خاطر عمس=رمز الرجوله والمدى ماله حدود
ياعبيد هذا وقت من يبعد الرمس=عبدالله الخنفور وسعود والذود
على المدد والذود نقوه من الغمس=يستاهلون الفوز واصحاب مجهود
شاهد قصيدي فوزهم وابصم بخمس=ان الفخر عبدالله وسمعة سعود
هذا هو العز الذي يشبه الشمس=والشمس ماتغطى بغربال وسدود
اجزم بأن الطيب بالحس واللمس=وياطيبهم ياعبيد بالفعل والجود
بيض الوجيه وفعلهم ساد من امس=بني رشيد وماعلى غيرهم زود