الـسـلام عــلــيــكـــمـ ورحـمـة الله وبـركـاته


حبيت أن أنقل لكم محاورة الشاعر نواف العازمي رحمه الله وشاعر عبس عيد بن مربح


وأتمنى أن تنال على أعجابكم

نواف العازمي

يا عيد انت في رأسك علوم وسواليف=ولكـن مـال الحمـل منـا ومـنـا
ياليتك تحل الوضع يا معزب الضيف=وبكره تروح المشكلـة عـن وطنـا

تقوله بعد عيت تجيلك على الكيف=ليا وسوس الرجال وندق وغنـا
ليا صار ما تقدر تعد المشاريـف=ياليتك جلست بمجلسك مـا تعنـا

أقوله وانا ادري بالحقيقة من الزيف=ولا صابنا وسواس من يـوم كنـا
ليا صاروا العقال مثـل الملاقيـف=عزلنا ضعنكم ما مشى مع ضعنـا

لا ضاقت على بعض الرجال المحاريف=ضربنا الخطـوط الواسعـة وأوسعنـا
يا نـواف لا تثـر عليـك السواليـف=ليا ضفت تلقـى زادنـا فـي صحنـا

وأقول العلوم الكايده والمواقيف=تزين وتشين ولا لها غير حنـا
لو إنا نبيها تالع النـار باليـف=حسبنا حساب المشكلة ما ومنا

ينوض السحاب ويمطر الوسم والصيف=وعقـب المحـول فياضنـا يخضرنـا
تراني على ما فـات مالـي تحاسيـف=وبعض العلوم العـوج مـا زعزعنـا

أنا أشوف مبداها عجاج وعواصيف=لكن الخطا يا عيد مـا هـو بمنـا