عاشق المستحيل اليوم ماهو بصاحي=قلت له كيف حالك قال انا شان حالي
قلت انا صاحبك بتال قدمك وصاحي=لاتزعل عسا فالك ماهو اليوم فالـي

عاشق المستحيل اليوم فل الجناحي=راح يم السما والجو صافي وخالي
قال ياصاحبي بتال جتك الرياحـي=ياعسى طرقتن تمشي بها للزوالي

انت قبل امس في ظامرك براد فاحي=من غبونك علـى بتـال ياهمالالـي
قلت لك ذاك تركي قلت لي ذا الرياحي=ويش رايك نوردك القـراح الزلالـي

فاح براد فكري واستوى للصحاحي=والغبن فيك دايم يالصديق الموالي
قلت لك بس ماتتبع كلام النصاحي=ويش رايك ترد بيرك لحالك بدالي

بين طعن السيـوف وبيـن دق الرماحـي=طـرزت عيـن فارسهـا وطـاح العقالـي
انت كاذب وصادق مـن جميـع النواحـي=من يسوق الدبش لامد بين الدحالي؟ ههههه

بين موت الرجال وبين كثر النياحي=روحت روح فارسها ولا لة عيالي
والرياجيل تعرف بالتقى والسماحي=من يرد الكدش لاصار فية انعزالي

خابت الهقوه وبيرقك من يدك طاحـي=والتجاريب تكشف لك زحول الرجالـي
انت طير الطيور معقبن مـن فلاحـي=جيت فوق الحصاه و لا عتليت الجبالي

مايقيس الرجال من الرخوم القباحي=ومن التجاريب تظهر محتمين التوالي
وانت تبع ٍ يطير وكل ماطار طاحـي=رحت وسط النفود وغبرتك الرمالـي