أنا باديٍ في عالي الرجم من واطيه = أحب البيان وذبّة الرجم غربالي
وأنا البارحه ليلٍ عليّ ساريٍ ساريه = بغيت المنام ولذّته ماتهيّالي
على صاحبٍ لازيد جاني وأنا ماجيه = حداني زماني منّ مجيّه ولا جالي
وياقلب لاتجزع من الليّ جرى جاريه = وما قدّر الله قابلينه من الوالي
حداني على البيت المطرّف غلا راعيه = ولايمتكّن جنّاب بيته وهو غالي
غشاه الحلا والنور يوم الغلا مغليه = يعيش النظر شوفه بليّا تعدّالي
تحطّم عليه الحال ماينعضي عاضيه = تحطّام عودٍ مبطيٍ فيه المحالي
وأنا سيل قلبي صوبهم منتحي واديه = ولولا محادير السهل كان ماسالي