قبيلة بني رشيد - محاورة عالميه بين عبدالعزيز بن داموك ونادر بن مساعد

اتمنى ان تنال اعجابكم

عبدالعزيز بن داموك

جهزت بيتي علـى المعنـى وموالـي=والظاهر اني ابا اغنـي وانـا لحالـي
لعـل فـي دارهـم رجلـي وخيالـي=والارض يمشي بها المجنون والصاحي

الليله الليله المعني بدوحة قطر=لعلها دوحةً ماتخضر غصونها

نبى نتمشى بسـوق الشـرق ونعايـن=العالـم الـي تقـول بحفلـة مزايـن
الله يقطـعـك يـاصـدام ياخـايـن=والارض يمشي بها المجنون والصاحي

ترى الهبايب تجيب السيل قبل المطر=يالي تخيل البروق وتعرف مزونهـا

نادر بن مساعد

الشاعر اللـي يغنـي جـر موالـه=لا يطمـع بحكمهـا ونيتـم اعيالـه
الدار مـن دونهـا رجلـي وخيالـه=والأرض يمشي به المجنون والصاحي

الليله الليله المعنى بوسط السطر=ياعل دوحة عربنا تكثر لحونها

لا تسوق رجلك بدرب الشوك وتزمـه=ترا العرب حاضـره فوقـك وملتمـه
والداب الأسود ذبحنـا راسـه بسمـه=والأرض يمشي بها المجنون والصاحي

لاتأمن الليل الأظلم سريتك له خطـر=واهل العيون الحسوده نفضخ اعيونها

عبدالعزيز بن داموك

الـروس لامـرت الحـلاق حلقـهـا=والبارحـه روحـت ماعـاد تلحقهـا
حنـا نـعـد الحقـايـق مانلفقـهـا=والارض يمشي بها المجنون والصاحي

يامعيدين رمضان وسايقين الفطر=الآيه المرسله وشلون تقرونهـا

ماني بخايف وانـا بالموقـف مرابـط=ماتهمني رتبة الجنـدي ولا الضابـط
الداب الاسود يجيك من السمـا هابـط=والارض يمشي بها المجنون والصاحي

البحر يوم انفجر والنجم يوم انشطر=قامت جموس الشيوخ تهل طبلونها

نادر بن مساعد

اثرك ماتعـرف الموضـوع والقصـه=الخط واضح عريـض وباينـن نصـه
عدت عليك العلوم وصابتـك غصـه=والأرض يمشي بها المجنون والصاحي

يامكبرين اللحا يامكثرين العطر=ياكيف تنسون سنه ماتصلونها

ياصاحبـي والهـوا لهـب نسناسـه=اسرد وسولف وكلن دق لـك كاسـه
بشر عسا اوضاعكم ماهي بمحتاسـه=والأرض يمشي بها المجنون والصاحي

يومن دمعك تهله والقليب انفطر=شلنا الحمول الثقيله ماتشيلونها

عبد العزيز بن داموك

تراك فـي مرحلـة تدريـب يانـادر=توك ماتدري وش الوارد وش الصادر
اخاف اوريـك راس الذيـب وتغـادر=والارض يمشي بها المجنون والصاحي

عطورنا دم خطار(ن)عليك تخطر=ومسبلين اللحى يالي تحلقونهـا

حزنتنـي فـي معانيـك الطفولـيـه=كاسه ودقـه ورحلـة صيـد بريـه
والمرزمه فوقكـم زرقـى سماويـه=والارض يمشي بها المجنون والصاحي

انته من الي شرد.. والا من الي نطر=والا من اعييلـن مانبتـت سنونهـا

نادر بن مساعد

انا معك بالـدروب ولا اخلـف النيـه=وكان التوت عودت من فوقكـم سيـه
بذوقـك شمسهـا لا تطلـب الفـيـه=والأرض يمشي بها المجنون والصاحي

يابن الدواميك وافهم ويش بعد الشطر=الدمعـه السايلـه بيضـا تحبونهـا

ابا احشم اللحيـه وبفتـل شواربهـا=ولاتحزن من المعاني وانـت شاربهـا
ابا ارتفع فوقـك وتعطيـك غاربهـا=والأرض يمشي بها المجنون والصاحي

حنا الرجال العزيزه غصب ماهو بطر=يومن بقعا عليكـم هـد شارونهـا

عبدالعزيز بن داموك

انا قنصت ومعـي سمـان وقميـري=وان رحت عنها يجيها واحـداً غيـري
لله فيمـا خلـق حكمـه وتدبـيـري=والارض يمشي بها المجنون والصاحي

ابن الدواميك جلاد الحمُّر العطر=الي لياجات بالمشرق تعشونها

وش الك في دوحة الصاروخ ابو لفـه=وانته رشيدي من الي ياسـم الكفـه
تمشي بشـرع الالاه وتطلـب العفـه=والارض يمشي بها المجنون والصاحي

بني رشيد اهل الصولات واهل السطر=ديارهم تسلم الكفـار مـن دونهـا