قبيلة بني رشيد - مشاركتي في شاعر الجمهور

اعزائي

احب ان اضع

بين يديكم مشاركتي

في برنامج شاعر الجمهور

الذي سيعرض غداً الخميس

على قناة فلاش

وهذه الابيات قلتها

كمقدمة

من ديرة آل سعود رمز العداله=دار الكرم دار الشيم درة الكون
الفيت لديار الوفا والجماله= دار الصباح بضلها المجد مصيون
ماجيت اشارك طامعٍ في رياله=ماني مني اللي للدراهم يغيرون
ولاجيت ادور شهرتي واستحاله=اسعالها بالعون مأبغى لها عون
الفيت لأن الشعر امانه رساله=لو هانت الدنيا سما الشعر مايهون
الشعر غيثٍ يرتوي من ضماله=ربيع لقلوبٍ بها الهم مكنون
ولهاض صدري صغت حرف الجزاله=قافٍ عن الهكعات والنقص مضمون
اغزي مغاتيره وانقي جزاله=ارتاح لهجرست والناس يصغون
فنجال كيفٍ كل مفهق دلاله= ابغى اتنومس والنشاما يتقهوون
ويساق للجمهور ياحي فاله=جمهوره اللي للجزاله يعشقون
ويرهى على اللي هادفٍ في مقاله=الناقد اللي كلمة الحق له لون
ويقصر عن الحقاد نقد الحثاله=اللي عن وجيه الحقايق يصدون
نقدٍ بليا علم مالي وماله=للشعر عرافه وللقاف قانون
من دون شك بحق لجنة عداله=فارس من اللي للحقايق يعدون
ولي الفخر والشعر تشهد رجاله=ابوسعد وعبيد ومشعل يكفون
ولاهو غريب الطيب طيب رقاله =مثلي من اللي للطويلات يرقون
والفرق واضح بين علم وجهاله=والعقل يفرق بين صاحي ومجنون
والشاعر اللي شاش طوح عقاله=ينخى جماهيره على العز تكفون