مثل تالي النهـار اللـي تقفـاه ليــــــــل=والشفق تحت قرص الشمس متبعثري
يالله انّي دخيلـك يامنجـي الدخيـــــــل=جعلنـي دايـمٍ متهـوم ونـا بـــــــــــــري
مايـذل العزيـز ولايـعـز الذلـيــــــــــــل=كود مسرى الخطا في ليل ماينســــري
حسبنا الله على الظالم ونعـم الوكيــل=كل ماشفت طلـة زينـب العسكـــــــري
ياوجودي وجود اللي عشق مستحيـل=قلت وش تحتري وقال وش تحتـــــري
قلت طرقي ومتغرّب وعابـر سبيــــل=والمصيبه هنا يابـري حالـي بـــــــري
والله اني من الوزن الثقيـل الثقيــــل=مير بعض المواقف ماتجـرّي جـــري
مادري ويش احط ولادري ويش اشيل=بس اغنـي كـذا يالابـس الغنــــــدري
زينب العسكـري BMاخـر موديـــــــل=ماركـه عالميـه تتعـب المشتـــــري

ايها الشاعر اللي ماتجيـب الهزيـــــــل=والمواضيع عندك بالدبـل والثــــــري
لك سلام وتحيـه صافيـه سلسبيــــــــــل=عقبها السمن يجري فوق تمر السري
ودي امشي معك لو ان مالي حصيـــــل=غير مانيب من بعض المعاني صـري
يوم شفتك تمَثَـل بالكـلام الجزيــــــــــل=يوم شاهدت طلة زينـب العسكــــــري
فتنةٍ فالبسـاط الاخضـر المستطيـــــــــل=خلّت اللي مع المضمار يجري جــري
مايلوم الدليـل يكـون ضايـع دليـــــــــــل=والحقايق حقايـق تكتـب وتنقـــــــري
لو رآها الفرزدق جر صوتٍ طويـــــــل=وجاوب الصوت ابوتمام والبحتــري
لااقبلت كنها جـو الصبـاح العليـــــــــل=ناطحتها الهبوب وعَرْشهَـا منفــــري
من نظرها على الشاشه دموعه تسيل=وقال ياناس انـا متجـوّزٍ عسكــــــري
كل يومٍ تمشّـى فـي جنـازة قتيـــــــــــل=والضحايـا جماهيـرٍ تحـب العـــــــري
حسبنا الله على الظالم ونعم الوكيــــل=قالها الاكلبي يـوم قالهـا الهاجــــري