من هجوسا طلعهن قفروابكرهن جسام = وسمهن في اطايب الغفل ماستعرن وسوم
في رقاب الغفل فوق الحنك قدم السنام = شاهداينقل شداده على وسق الشحوم
مختلف مبداه با الفطر ولا با الصيام = لخلفت عوج المذاهبب ضعيفين العزوم
مرحبا ماغردالطير وانهل الغمام = ممطرت غرالسحايب وماحنت رزوم
فانيابه عن هل الطيب عالين المقام = يوم جالي دورواجب وبالوقت معزوم
يوم ربعي قدموني ونا قدالمقام = بسم عبس ايطيبلي ماقفي وقت اللزوم
حفل تكريمن بحق استحقه ولديام = والعرب ماتخلف اطباع عادات السلوم
ايه ياعبدالله ان قلت علي الحرام = ان طيبك حافضينه شخاميم القروم
طبت في من يثمر الطيب فيهم كل عام = مايتراخى عن ردود الوفى غير الرخوم
حفل تكريم شبكة عبس واللي فيه قام = اشبكة عبس اسم تصغرعنه بعض العلوم
بسمها وسم المؤسس لها عبرالنظام = في شبكة النت لهداف تحقيق الحلوم
طال عمر اللي تبنى شرفها وستقام = ايتحري لصدق القول وابعاد الظلوم
يامقدم طيب ماهوغريب طيب يام = لابتك بسم المكارم محطمة لرقوم
لابتك يابن عبيان مضرب للكرام = مجدهم شاهد قبايل مواكيرالقروم
ورث طيبك وارثه من خوال ومن عمام = وان شهدت الصدق مايلحقك بالصدق لوم

اقولها بلساني وابصم بخمسي=من شان من يجهل التاريخ يدريبه
ان كان للسيف بشت وللفخر كرسي=ان اشهد ان الرشيدي دوم يحريبه

سلام ياهل الشهامه بالوفا مكسي=يسوقه الطيب والخافق يهليبه
على سلايل دليم وعنتر العبسي=اهل الظفر والكرم والعز والهيبه
قبيلة لاصفق موج البحر ترسي=وتطب سوق المنايا ماتباليبه
على دروب المراجل تصبح وتمسي=وخيالهم لا اعتزاء بانت مضاريبه
اقولها من الساني وابصم بخمسي=من شان من يجهل التاريخ يدريبه
ان كان للمجد بشت وللفخر كرسي=ان اشهد ان الرشيدي دوم يحريبه