قبيلة بني رشيد - الرويّة ...

بسـم الله قبـل سـرد الرويّـة
وأعوذ به من كل شيطان وسـواس
اللي هدانا مـن غـوى الجاهليـة
حتى غدينا للبشـر خيـر نبـراس
يابو سعد بعـض المفـارق بليـة
والله بلانا فيك ياطيـب السـاس
فرقاك صعبة تكوي الـروح كيـة
وانا أشهد إن موادعك يتعب الرأس
عيوننـا مـن ذا المفـارق شقيـة
وقلوبنا تقرع كما قرع الاجـراس
أخو وصاحب من سكنّـا سويـة
وإن شاء الله إنا لين قطعات الانفاس
مابأمدحـه وأقـول مافيـه زيـه
أخلاقك المثلى لنا خيـر مقيـاس
يازينهـا ذيـك الليالـي الهنيـة
يازينها قهـوة وتمـرة ومجـلاس
يالله طلبتـك وانـت رب البريـة
تجنبه يارب عـن درب الانجـاس
وتوفقه في كـل روحـه وجيـه
فإنك كريم وطلبتك تشفي البـأس
م
ن
ق
و
ل