سلام الله سلام مدخله هيبه وقـوة بـاس=مداخيله سمو وقوتـه غـزوات عبسيـه
أقوله في مكان يجمع اهل الطيب والنوماس=لونه ماحصلي عندكـم تفعيـل عضويـه

هلا يامرحبـا ترحيبـةٍ فيهـا الذهـب والمـاس=اعلقهـا علـى صــدر الرشـيـدي والرشيـديـه
على ماذعذع النود الشمالي في شذا النسناس=وفاض الناشـي البـارق وساقـا الديـره الحيـه

سوالفنا علوم رجال مافيها ذهب ونحاس=و مبادينا كبيره قبل تبدا حسنتـك سيـه
قصيدك فيه خله ياالسنافي ياعسا ماباس=لا تغفل عن وزون الشعر واترك به قافيه

أجــل وش فائدتـنـا كانـهـا حـبـرٍ عـلــى قـرطــاس=تـسـاوت عـنـدي الـروحـه مـعـك يـاذيـب والـجـيـه
سرق منك الخشوع اللي يوسوس في صدور الناس=لـيـا صلـيـت حــاول تصـلـح لــرب الـمــلا الـنـيـه

قبل لا تحسب المكسب عليك تحسب الأفلاس=تساوت معك لكـن مادرينـا عنـك موليـه
الا يكليب غلطاتك دفعها الزير مع جسـاس=غرورك دهورك حتى كليت اللقمـه النيـه

تبيهـا بالظهـر وألا تبيهـا فـي مخيـط الـرأس=عليـه مـن حزامـي لرقـع الكيـه عـلـى الكـيـه
ألا يطويـق ماحصلـك الليلـه شــراب بـكـأس=سحبت السم من جوف الحنش وأسقيته الحيه

ليا منك زعلت اطق في كفي على المرواس=واسريكم على صوت المغنـي والهجينيـه
طموحاتك كبيره لكن جحا طاح ببو نـواس=قبل تصغر علومك سج مهرتـك النحاويـه